PM:08:58:02/11/2025
100 جار خوێندراوەتەوە
+
-
پشتی کو دەستهەلاتێ ب رێکا وەزارەتا رەوشەنبیریا حکومەتا دەم
بسەرڤەچووی بەرنامەیێ تاوتوێ دگەل شاسوار عەبدولواحید راگرت، عەبدولا مەلا نوری
راگەهاند، ل ئەوروپا کورد هەیە ب تۆهمەتا تیرۆرێ هاتیە حوکم دان، لێ یێ ئازادە ب
راستەوخۆ د تۆرێن جڤاکی دا بئاخڤیت، لێ وەزیرێ رەوشەنبیریا حکومەتا دەم بسەرڤەچووی
رێکێ ئاخفتنا سەرۆکێ حزبا نەوەی نوێ د تەلەفزیۆنێ دا بەلاڤببیت.
ئەڤرۆ ئێکشەمبی، ڤەلڤینا نەوەی نوێ راگەهاندنکە بەلاڤکر،
وەکی هەمی کارێن خۆ یێن ئێکسپایەر و بزدیایێن پارتی و یەکێتی هێزێن ئەولەهیێ
هنارتنە سەر کەنالی و ب ترسڤە رێگری ژ پەیام و ئاخفنێن شاسوار عەبدولواحید، سەرۆکێ
ڤەلڤینا نەوەی نوێ بۆ وەلاتیان پەخش بکەت.
ئاماژە ب وێ یەکێ ژی کر، ئەڤ دەستهەلاتا ترسنۆک تەبیعەتێ
چەکچەکیلەیان هەیە فێری چوونە سەرا شەڤان بووینە و پشت راست بن کاک شاسوار گەلەک ژ
وێ ئازادترە و ب ئیرادە پەیامێن خۆ دهنێریت بۆ خەلکێ زولم لێکریێ کوردستانێ، ژبەر
هندێ ب ترسڤە رێگری ژ پەخش کرنا بەرنامەیێ کاک شاسوار سەرۆکێ نەحەق زیندانی کری
وەکی مەزنترین هێزا ئۆپۆزسیۆن دکەن.