PM:08:25:13/10/2025
84 جار خوێندراوەتەوە
+
-
ب بەرهەڤبوونا دۆنالد
ترەمپ، سەرۆکێ ویلایەتێن هەڤگرتی یێ ئەمریکا و هژمارەکا سەرکردەیێن ولاتێن جیهانێ
و ولاتێن عەرەبی، لوتکەیا شەرم شیخێ میسر بۆ ئاشتیێ دەستپێکر، ب مەرەما ئیمزا کرن
لسەر رێکەفتنا ئاگربەستێ دناڤبەرا ئیسرائیل و ڤەلڤینا حەماس دا، بۆ داوی ئینان ب
شەری ل غەززە.
ئەڤرۆ دووشەمبی، دۆنالد
ترەمپ سەرۆکێ ئەمریکا د کۆمبوونێ دا گوت، بەلگەنامەیێن دەربارەی رێکەفتنا ئیسرائیل
و حەماس هاتە ئیمزا کرن لێ پرسا رادەستکرنا تەرمێن ئێخسیرێن ئیسرائیل ب داوی
نەهاتیە.
هەروەسا، سەرۆکێ ئەمریکا
سوپاسیا قەتەر و میسر کر بۆ بزاڤێن وان بۆ رێکەفتنا ئاشتیێ.
پشتی ئاخفتنێن ترەمپ،
هەر ئێک ژ سەرۆکێ ئەمریکا و میسر و میرێ قەتەر و سەرۆک کۆمارێ تورکیا، ئیمزا لسەر
رێکەفتنا لوتکەیا شەرم شێخ کر کو تایبەت بوو ب داوی ئینان ب شەری ل غەززە.
پشتی رێکەفتنێ، سەرۆکێ ئەمریکا
ب خۆ سەرپەرشتیا کارێن راگرتنا شەری دکەت و ئەڤەژی جهێ دلخۆشیا هەمی لایەکی یە.