PM:05:55:05/10/2025
280 جار خوێندراوەتەوە
+
-
پشتی داوی
ئینان ب پرۆسەیا ناڤ نڤیسینا حەجیان، حەج و عومرەیا هەرێما کوردستانێ دەستکریە ب
هویربینیان و داخازیان تا نها ژی هزار و ٥٥٦ کەسان نامە بۆ هاتیە هنارتن تا بهێنە
هایدارکرن کو زانیاریێن پێدڤی سەرراست بکەنەڤە.
ئەڤرۆ
ئێکشەمبی، رێڤەبەریا حەج و عومرەیا هەرێمێ د راگەهاندنەکێ دا بەلاڤکر، هەیاکو نامە
بۆ وان کەسان هنارتیە تا زانیاریێن خۆ سەرراست بکەن، لی تا نها خەلکی وەک پیدڤی
زانیاری سەرراست نەکرینە و بەرسڤا نامەیێن وان نەداینە.
د راگەهاندنا
رێڤەبەریێ دا داخازێ ژ وان کەسان دکەت کو نامەی پێگەهشتیە ل رێکا نامەیا موبایلێ
یان واتەسئاپ یا ڤایبەرێ ب زوویترین دەم زانیاریێن خۆ سەرراست بکەن و کێماسیێن
فۆرمێن خۆ سەر راست بکەن ژبەرکو ب ڤی ئاوایی بن مافێ پشکداریێ د تیروپشکا حەجێ دا
نامینیت.
زەلال ژی کر،
د نها دا مژویلی پرۆسەیا هویربینیا ناڤێ حەجیانن و ل کۆما ٥٩ هزار و ٣٨٩ فۆرمان،
٤٦ هزار و ٥٠٧ فۆرم ب تەمامی هاتینە هوردبینیکرن و بەرهەڤن بۆ تیروپشکێ و د چەند
رۆژێن داهاتی دا پرۆسەیا هویربینیێ دێ ب داوی ئێت و دێ قۆناغا هەڤبەریا ناڤێن
حەجیان دەستپیکەت.
دبێژیت ژی، هەر
کەسەکی بەری حەج کربیت مافێ حەجێ نابیت بۆ ئەڤسالە و دەلیەڤیە بۆ وان وەلاتیانە کو
تا نها حەج نەکری و ب ڤێژی لسەر بنەمایێ یەکسانی و بجهئینانا دادپەروەریێ دناڤبەرا
هەمی وەلاتیێن هەرێما کوردستانێ وبێ جوداهی و ب ئەگەرەکێ زۆر ژی ڤێ هەیڤێ تیروپشک
دێ هێتە ئەنجامدان.