PM:06:06:20/09/2025
76 جار خوێندراوەتەوە
+
-
پەیڤدارێ کۆمسیۆنێ دبێژیت،
دەستەیا کۆمسیاران رازەمەندی ل سەر دابەشکرنا داوی دەنگدانا گشتی و تایبەت و
ئاوارەیان بۆ هەلبژارتنێ دایە و بۆ هەمی پرۆسەیێ زێدەتری ٢٣ ملیۆن فۆرمێن دەنگدانێ
چاپ کرینە.
ئەڤرۆ شەمبی، جومانە
غەلای، پەیڤدارێ کۆمسیۆنا هەلبژارتنێن عێراقێ راگەهاند، هژمارا کاغەزێن دەنگدانا
گشتی گەهشتە ٢٢ ملیۆن و ٤٦ هزار و ٢٠٠ بۆ هەلبژارتنا تایبەت ئێک ملیۆن و ٥٠٩ هزار
و ٣٠٠، دگەل دابینکرنا پێدڤیێن یەدەگ بۆ ئۆپەراسیۆنان بۆ قۆناغێن هەلبژاراتنێ.
کاغەز لدویف ستاندارێن
ئەولەهیێن توند هاتینە چاپکرن، رەنگێن تایبەت کو بتنێ ئامیرێن تایبەت و تاقیکرن
دەست نیشان دژەت، هەروەها تایبەتمەندیا رێگری کرن ژ کۆپیێ هەیە.
ژبلی ڤێژی، جۆرەکێ
کاغەزی ب ئاوایەکێ تایبەت دروست کرییە ئاماژەیێن هەڤئاوایێن دناڤ کاغەزێن دراندی
بکاردئێن و ئاماژەیێن نهێنی تێدا نە بۆ پشتراست بوون ژ ئێک پارچەیا دەنگدانێ.
دەستەیا کۆمسیاران رەزامەندی
ل دابەشکرنا داوی دەنگدانا گشتی و تایبەت و ئاوارەیان دەربریە، کۆما هژمارا دەنگدەران
گەهشتە ٢١ ملیۆن و ٤٠٤ هزار و ٢٩١ دەنگدەر، هەروەسا هژمارا دەنگدەرێن دەنگدانێ
گەهشتە ٢٠ ملیۆن و٦٣ هزار و ٧٧٣ هژمارا ناڤەندێن دەنگدانێ گەهشتە هزار و٧٠٣ ،
هژمارا دەنگدانا گشتی گەهشتە ٣٩ هزار و ٢٨٥.
هەروەسا، هژمارا
دەنگدەرێن دەنگدانا تایبەت گەهشتە ئێک ملیۆن و ٩٨٠٣١٣ کەسان، دگەل ٨٠٩ ناڤەند و
چار هزار و ٥١١ وێستگەهێن دەنگدانا تایبەت، هەڤدەم هژمارا دەنگدەرێن ئاوەرەیان
گەهشتە ٢٦ هزار و ٥٣٨ دەنگدەر، کو ٩٧ ناڤەندین دەنگدانا تایبەت و ٣٢١ وێستگەهـ
تێدانە