PM:08:18:18/09/2025
232 جار خوێندراوەتەوە
+
-
- پارتی و یەکێتی ژبەر هەلبژارتنێن پەرلەمانێ عێراقێ پیکئینانا
کابینەیا نوی یا حکومەتا هەرێمێ پاشئێخستن بۆ پشتی هەلبژارتنان، بەرپرسەکێ پارتی
دبێژیت، ژبەر رەوشا ئەولەهیێ دەستبکاربوونا پەرلەمانێ کوردستانێ پاشکەفت.
ئەڤرۆ پێنجشەمبی، بەرپرسەکێ بلند یێ پارتی بۆ ئاژانسا شەفەق نیوز یا عێراقی
گوت، بڕیاربوو ل دەسپیکا هەیڤا ئەیلۆلێ دا پەرلەمانێ کوردستانی دەستبکاربیت، لێ
رەوشا ئەولەهیێ و پێشهاتێن بلەز یێن دەڤەرێ بۆ ئەگەرێ پاشکەفتنا وێ رێکەفتێ.
ئاماژە ب وییەکێ ژی کر، دناڤ بەسەک لایەنان دا
گرێدانەک هەیە کو دگەل هەلبژارتنێن پەرلەمانێ عێراقێ بابەتێ پێکئینانا حکومەتا
هەرێمێ بهێتە ئێکلاکرن، ب ئاوایەکێ د کڤانێ ئێک پێکهاتندابیت و ئەڤە ژی پێتڤی ب
وێیەکێ هەیە پارتی رێزێ ل نێرینێن یەکێتی بگریت.
ژلایێ خۆ ژی ڤە سەعدی پیرەی، ئەندامێ مەکتەبا
سیاسی بۆ میدیایێن پارتی گوت، بۆ پێکئینانا حکومەتێ پێتڤیە پارتی و یەکێتی هەڤبەش
بن و کارکرن د کاراکرنا پەرلەمانی و پێکئینانا حکومەتێ ئێک هەلویست بن.
ئەڤە د دەمەکێ دایە، پارتی و یەکێتی پوستێن خۆ ئێکلاکرینە،
ب ئاوایەکێ یەکێتی دەستبەرداتری پۆستێ سەرۆکێ حکومەتێ و سەرۆکێ هەرێمێ بۆ بۆ پارتی
و رازیبوویە ب وەرگرتنا جێگرێن وان و دڤێت پوستێ سەرۆکێ پەرلەمانی وەرگریت.