PM:03:33:05/09/2025
464 جار خوێندراوەتەوە
+
-
سێ حەفتی ب
سەر گرەڤگرتنا دەرچوویێن زانکۆیا خانەقین دەربازبوون، پەرلەمانتارەکێ نەوەی نوێ دبێژیت،
پشتی سەرەدانیکرنا خۆنیشاندەران، داخازیێن وان گەهاندنە وەزارەتا خواندنا بلندا عێراقێ،
داخاز ژی کرییە ئاریشەیا دەرچوویان بهێتە چارەسەرکرن.
ئەڤرۆ ئەینی،
سێ حەفتەیە دەرچوویێن زانکۆیا خانەقین خێمەیێن نەرازیبوونێ هەلداینە و داخاز دکەن
دان ب باوەرنامەیێن وان بهێتە دان، لێ بتنێ پەرلەمانتارێن نەوەی نوێ د هەوارا وان
دا چوونە.
هەڤدەم،
مۆفەق حسێن، پەرلەمانتارێ نەوەی نوێ ل پەرلەمانێ عێراقێ دبێژیت، پشتی سەرەدانیکرنا
خۆنیشاندەران و دەرچوویێن زانکۆیا خانەقین، داخازیێن وان گەهاندینە وەزارەتا
خواندنا بلند ل عێڕاقێ و داخاز کرییە ئاریشەیێن وان بهێنە چارەسەرکرن، دا مافێ
دامەزراندنێ هەبیت.
ئەڤەژی د دەمەکی دایە، پشتی ١٥ سالان ژ دامەزراندنا
زانکۆیا گەرمیان تا نها حکومەتا دەم بسەرڤەچووی نەشیایە دگەل حکومەتا ناڤەند بگەهیتە
رێکەفتنێ بۆ ئێکلایی کرنا زەڤیین زانکۆیا خانەقین، ڤێژی وەکریە دان ب باوەرنامەیێن
وان نەهێتە و بێ پشکن ژ دامەزراندنێ.