PM:05:59:27/08/2025
684 جار خوێندراوەتەوە
+
-
کۆمسیۆنا بلندا
هەلبژارتنێن عێراقێ سیستەمەکێ تایبەت ب بانگەشیا هەلبژارتنێ پەسەندکر.
ئەڤرۆ چارشەمبی،
کۆمسیۆنا بلندا هەلبژارتنێن عێراقێ سیستەمێ ژمارە (٤)ـیێ تایبەت ب بانگەشەیا
هەلبژارتنا خولا بهێت یا پەرلەمانێ عێراقێ راگەهاند و هەمی حزب و هەڤپەیمانەتی و
کاندیدان پابەند دکەت، ب چ رەنگەکی پارەیێ گشتیێ ولاتی بۆ بانگەشەیا هەلبژارتنێ
بکار نەئینن.
گوت ژی، هەر حزب و
هەڤپەیمانی و کاندیدەک پابەندی ڤی سیستەمی نەبیت، دێ رویبرووی سزایێن توند بیت، ژ
وان ژی دورئێخستن ل پڕۆسەیا هەلبژارتنێ و تەکەز ژیکر، ب چ رەنگەکی نابیت بەری
دەستپێکرنا بانگەشەیان، چ کەس و لایەنەک بانگەشەیێ بکەت.
کۆمسیۆنی زەلال کر، ١٩
لیژنەیێن سەرەکی ل نڤیسینگەهێن نیشتیمانێ پێکئینیاینە و دگەل چەند لیژنەیێن
نڤیسینگەها پارێزگاران بۆ چاڤدێریکرنا هەر سەرپێچیەکا ژ لایێ حزب و هەڤپەیمانیان و
بەربژێران دهێنە کرن، تا نها چ سەرپێچی نەهاتینە تۆمارکرن.
ئەڤەژی د دەمەکی دایە،
رۆژا ١٩ـێ نیسانا ٢٠٢٥، نڤیسینگەها راگەهاندنا محەمەد شیاع سودانی، سەرۆک وەزیرێن
عێراقێ بەلاڤکربوو، جڤاتا وەزیران ب زێدەهیا دەنگان، ١١ـێ تشتینا دوویێ یا ئەڤ
سالە وەک رۆژا هەلبژارتنا داهاتی یا پەرلەمانێ عێراقێ دیاری کریە.