AM:09:04:06/08/2025
600 جار خوێندراوەتەوە
+
-
پشتی ئێرانێ هەڤکاریێن
خۆ دگەل ئاژانسا نێڤدەولەتیا ئێنرجیا ئەتۆم راگرتن، ئەڤە بوویە ئەگەرێ بلند بوونا
بهایێ پەترۆلێ د بازارێن جیهانێ دا، ئەڤرۆ بهایێ بەرمیلەکا پەترۆلا خاڤ برێنت ب ٦٨ دۆلار و ٦ سەنتان بازاری پێ دهێتە کرن.
ئەڤرۆ چارشەمبی، هەڤدەم
بهایێ بەرمیلەکا پەترۆلا تەکساس ژی ب ٦٥ دۆلار و ٥٦ سەنتان بازاری پێ دهێتە کرن،
میدیایین جیهانی ڤان گۆهرینان ڤەدگەرینن بۆ هێرشێن دۆنالد ترامپی بۆ سەر روسیا، کو
بریارە سزایێ وی ولاتی بدەت ب ئەگەرێ رانەگرتنا شەری.
گۆهرین د بهایێ پەترۆلێ
پشتی وێ یەکێ دهێت، ئەمریکا و ئەوروپا رێکەفتنا پێناسەیا گومرکی ب رێژەیا ١٥٪ ل
سەر کەل و پەلێن ئەوروپی کو دهێنە هنارتن بۆ ئەمریکا، ئەڤەژی بهایێ پەترۆلا برینت
و تەکساس ب رێژەیا ٢٪ بلند کر.
هەڤدەم، میدیایێن جیهانی، بریارا دۆنالد ترەمپ،سەرۆکی ئەمریکا
دەربارەی سزادانا روسیا ئەگەر شەرێ ئۆکرانیا نەهێتە راگرتن، بهایێ پەترۆلێ ب
بەرچاڤ دی بلند بیت و بەرمیلەک ل ٦٩ دۆلار و گەهشتییە ٧٢ دۆلاران. ژبلی ڤێژی،
دووبارە گەف ژ هیندستانێ کریە، ئەگەر بەردەوام بیت ژ کرینا پەترۆلا روسیا، ب
رێژەیا ١٠٠٪ پێناسەیا گومرکێ دێ ب سەر وان سەپینیت، ئەڤ هەولێن دۆنالد ترەمپی، بۆ زیدەکرنا
فشارانە ل سەر مۆسکۆ بۆ راوەستاندنا شەری ل ئۆکرانیا.