PM:06:48:05/08/2025
500 جار خوێندراوەتەوە
+
-
سەرۆک وەزیرێ عێراقێ بڕیاردا حەفتیەکێ مولەتێ بدەتە
لژنەیان دوی دەمی دا هەمی بەرهەڤیان بکەن بۆ هناردەکرنا پەتڕۆلا هەرێمێ و ئەگەر
هەرێم پەتڕۆل و داهاتی رادەست بکەت، دێ بڕیار لسەر خەرجکرنا مووچەیی دەت لدویف
زانیاریان هەرێمێ شیانێن بەرهەمئینانا ٢٨٠ هزار بەرمیلێن پەتڕۆلێ هەیە و تا نوکە
هەرێم بەرهەڤ نینە ئێک بەرمیل ژی بدەتە سۆمۆ.
ئەڤرۆ سێشەمبی، کۆمبوونا ئاسایی یا جڤاتا وەزیرێن عێراقێ
ب سەرۆکاتیا محەمەد شیاع سودانی دەسپێکر و تەوەرەکێ تایبەت دەربارەی راپورتا
لژنەیا هەڤبەش یا دناڤبەرا هەولێر و بەغدا دا.
ژێدەرەک ژ کۆمبوونێ بۆ ئێن ئاڕ تی راگەهاند، د کومبوونێ
دا راپۆرتا لژنەیا هەڤبەش دەربارەی شیانێن بەرهەمئینانا پەتڕۆل وبجهئینانا رێککەفتنا
بەرچاڤکر، لدویف راپورتان هەرێمێ شیانێن بەرهەمئینانا ٢٨٠ هزار بەرمیلان هەیە و تا
نوکە هەرێم بەرهەڤ نینە ئێک برمیل ژی بدەتە کۆمپانیا سۆمۆ.
ئاماژە ب وێیەکێ ژی کر، دکۆمبوونێ دا سودانی بڕیار دا
حەفتیەکێ دەرفەتێ بدەتە لژنێ و پیتڤیە تا سێشەمبیا داهاتی لژنە هەمی بەرهەڤیان
بکەت بۆ هناردەکرنا پەترۆلا هەرێمێ ل وی دەمی دێ بڕیار لسەر خەرجکرنا مووچەیێ
هەیڤا شەش و حەفت یا هەرێمێ هێتدان.
هەڤدەم ئێن ئاڕ تی زانیە هەرێم تا نوکە هەرێمێ پەتڕۆل
رادەست نەکریە و گوتیە دێ ب برەکێ کێم و قوناغ قوناغ هناردە کرنا پەتڕۆلێ
دەسپێکەت، نەک ٢٣٠ هزار بەرمیلان ب ئێک جار وەک رێککەفتنا وێ دگەل بەغدا.