AM:10:02:05/08/2025
924 جار خوێندراوەتەوە
+
-
رێڤەبەرێ گشتیێ سۆمۆ
دبێژیت: بەرهەڤن بۆ وەرگرتنا هەر برەکا پەترۆلا هەرێمێ بەلێ تا نها هەرێمێ هیچ
پەترۆل رادەستی مە نەکریە، وێژی رەتدکەت پەترۆلا عێراقێ رێکا قاجاخ بهێتە فرۆتن.
ئەڤرۆ سێشەمبی، عەلی
نزار، رێڤەبەرێ گشتیێ کۆمپانیا سۆمۆ ب میدیایێن عێراقێ گوت، بەرهەڤن بۆ وەرگرتنا
هەر برەکا پەترۆلێ کو بهێتە رادەست کرن، بەلێ تا نها هیچ برەکا پەترۆلێ رادەست
نەکرییە، هەرچەندە هەمێ رێکارێن هەڤبەستا هنارتنا پەترۆلا هەرێمێ ب رێکێن بۆریێن
جیهانێ ب دوماهیک هاتیە.
دەربارەی ب قاجاخ برنا
پەترۆلێ د بەندەرێن عێراقێ دا گوت، بەندەرێن عێراقێ چاڤدێریەکا هویر ل سەرە وهیچ
پرۆسەیەک ب قاجاخ یان تێکهەلکرنا پەترۆلێ ناهێتە ئەنجام دان.
هەروەسا، دەربارەی
نڤیسینا کۆمپانیێ دەربارەی ب قاجاخ برنا پەترۆلی بەحسا وێ یەکێ کر، د نڤیسارێ دا
راستە و سەختە تێدا نینە، بەلێ رێنمایێن رۆتینی ئاسایین و مەرەم ژێ کۆنترۆلکردنا
خشتەیێن بارکرنا پەترۆلێ نە، ئەویەک ژی رەتکر، مامەلێ دگەل هیچ کۆمپانیا دا بکەن،
کو بهێتە سەر لیستا سزایان.
دەربارەی قەبارەیێ هنارتنا
رۆژانەیا پەترۆلێ ئەو یەک ژی بەرچاڤکر، عێراق رۆژانە سێ ملیۆن و
٣٥٠ هزار تا سێ ملیۆن و ٤٠٠ هزار بەرمیل هنارتە دکەت، رێژەیا ٧٨٪ بۆ ٨٠٪ پەترۆلێ
بۆ وەلاتێن ئاسیانە و پشکەکا دیژی بۆ ئەورەپا و ئەمریکا دهێتە هنارتن.