PM:05:43:21/03/2025
708 جار خوێندراوەتەوە
+
-
وەکو وەفاداری و پێزانینەک بۆ دایکێ، ٢١ـێ
ئادارا هەمی سالەکێ وەکی ڕۆژا جیهانی یا دایکان هاتیە هەلبژارتن، د ڤێ ڕۆژێ دا بزاڤ
و ماندیبوونا دایکان بلند دهێتە نرخاندن، بەشەکێ زور ژ خەلکی ب پێشکێشکرنا گول و دیاریان
ڤێ ڕۆژێ ل دایکێن خۆ پیرۆز دکەن.
دگەل وێ چەندێ کو هەموو وەلاتێن جیهانێ لسەر هەلبژارتنا
ڕۆژەکێ ڕێکنەکەفتینە بۆ ڕۆژا دایکێ، لێ زێدەتر ژ ٤٠ ولاتان د ٢١ـێ ئادارێ دا یادا ڕۆژا
دایکێ دکەنەڤە، هەروەسا عێراق ژی ئێکە ژ وان وەلاتان.
دەربارەی دیاریکرنا ٢١ـێ ئادارێ وەک ڕۆژا جیهانی
یا دایکێ، دیرۆکا وێ دزڤریتەڤە بۆ ویلایەتێن ئێکگرتیێن ئەمریکا ل سالا ١٩٠٨، دەمێ
ئانا جارفیس یادا سێ سالیا مرنا دایکا خۆ کریەڤە ل کەنیسەیا ئەندرو ل گرافتن، بزاڤکرن
وێ ڕۆژێ بکەتە ڕۆژەکا جیهانی ژبەرکو باوەریا وێ هەبوو "دایک کەسەکە زورترین
کار بۆ تە ئەنجامداینە زێدەتر ژ هەر کەسەکێ دی ل جیهانێ".
هەر د ڤێ سالی دا کونگرێسێ ئەمریکا رەتکر وێ ڕۆژێ
وەکی ڕۆژا جیهانی یا دایکێ دەستنیشان بکەت، پاشی ل سالا ١٩١١ ژ ئەگەرێ بزاڤێن ئانا
جارفیس ئەو ڕۆژ وەکی ڕۆژا دایکێ هاتە ناساندن.
ڕۆژا جیهانی یا دایکێ ژ دەستپێکێ ڤە د وەلاتێن ڕۆژهەلاتا
ناڤین دا گرنگی پێ نەهاتیە دان، ژبەرکو دگوتن هەلبژارتنا ڕۆژەکێ بۆ دایکێ بەس نینە
کو ماندیبوونێن دایکێ بلند بنرخینیت، بەشەکێ دی ژی دگوت ئەو بۆنە ژ وەلاتێن ڕۆژئاڤا
سەرهلدایە و پێدڤی نینە د وەلاتێن ئیسلامی دا یاد بهێتە کرن، لێ د هەیاما ٢٠ سالێن
بوور یدا بەشەکێ زور ژ وەلاتیێن عێراقێ و کوردستانێ ڤێ ڕۆژێ بلند د نرخینن.