AM:08:38:06/05/2024
556 جار خوێندراوەتەوە
+
-
پشتی داکەفتنا بهایێ پەترۆلێ د چەند رۆژێن دەربازبووی دا ب ڕێژەیا ٨٪
زێدەباری بەرفرەهبوونا گرژی و ئالۆزیێن رۆژهەلاتا ناڤین و کێمبوونا پەترۆلا
کۆگەهکریا ئەمریکا، ئەڤڕۆ بهایێ پەترۆلێ د بازاران دا بلند بوو د نهادا ئێک
بەرمیلا پەترۆلا برێنت ب ٨٣ دۆلار و ٢٣ سەنتان بازار پێ دهێتەکرن.
ئەڤڕۆ دووشەمبی، بهایێ ئێک بەرمیلا پەترۆلا رۆژئاڤایێ تێکساس ب ٧٨ دۆلار و ٣٩
سەنتان بازار پێ دهێتەکرن و هەڤبەری دوهی ئێکشەمبی بهایێ پەترۆلێ بلند بوویە.
بەری نها، دەربارێ
کێمبوونا هناردەکرنا پەترۆلێ بۆ بازارێن جیهانێ رێکخراوا ئۆپێک پلەس راگەهاند، دێ
بەردەوامبن لسەر کێمکرنا ئاستێ بەرهەمئینان و هناردەکرنا پەترۆلێ بۆ بازارێن جیهانێ
و د نهادا خاستا بازاران بۆ پەترۆلێ تا دەستپێکا مەها حوزەیرانا ئەڤسالە دێ ب بنەجهی
مینیت.
ژلایەکێ دیڤە ناڤەندا
کارگێڕیا ئەنەرژیا ئەمریکا راگەهاند، د چارێگا ئێکێ یا ئەڤسالەدا ئاستێ کۆگەهکرنا
پەترۆلێ لدیڤ پێشبینیان نەبوویە ب ڕێژەیا ٠.٨٪ کێمبوویە و سەدەما وێ یەکێ ژی دزڤڕیت
بۆ گۆهڕانکاریێن سەقای ل دەڤەرێ.
سەدەمەکێ دی یێ
بلند بوونا بهایێ پەترۆلێ، دووبارە ب ئارمانج گرتن و تەقاندنا وێستگەهێن ئەنەرژیا
رەشا رووسیا بوو ژ لایێ ئۆکرانیا کو ئێکە دیە ژ سەدەمێن بلند بوونا بهایێ پەترۆلێ
بۆ سەر ٨٩ دۆلاران.