AM:10:22:30/04/2024
372 جار خوێندراوەتەوە
+
-
ل چەند دەڤەرێن هەرێمێ تۆز بارینا دژوار
دەستپێکریە و لدیف پێشبینیێن سەقاناسیێ، تۆز بارین و باران دێ هەمی دەڤەرێن هەرێمێ
ڤەگریت.
نووچەگەهانێ ئێن
ئاڕ تی ل دهۆکێ بەحسا وێیەکێ کر، ل دهۆکێ تۆز بارینا دژوار دەستپێکریە و مەودایێ
دیتنێ کێم بوویە.
نووچەگەهانێ ئێن ئاڕ تی ل گەرمیان ژی ئەو
یەک بەرچاڤکر، تۆز بارین ل گەرمیان ژی دەست پێکریە و ئەڤرۆ سپێدێ پێلەکا باران
بارینێ ئەو دەڤەرە ڤەگرتی یە.
لدیف ڕاگەهاندنا سەقاناسیێ، پێشبینی دهێتە
کرن پێلەکا تۆز بارینێ و تاڤیێن بارانێ هەمی دێ هەرێمێ ڤەگریت و بۆ هەیاما چەند
دەمژمێران بەردەوام بیت.
بەری نها ژی سەقاناسیێ هایداری دابوو ژ
گەهشتنا پێلەکا تۆز بارینێ و باران بارینا بهێز ل دەڤەرێن جودایێن هەرێمێ و ئەو
یەک ژی بەرچاڤکر بوو، چەقێ وێ پێلێ دێ د رۆژێن پێنجشەمبی و ئەینیێ دا بیت.
سەقاناسیا هەرێمێ ڕاگەهاند بوو ژی، پلەیێن
گەرمێ ب ئاوایەکێ بەرچاڤ دێ نزم بن.
ئەڤە ژی د
دەمەکێدایە، هەر دەربارەی پێلا باران بارینێ سەقاناسیێ هایداری دابوو جوتیاران تا
کو بشێن ئەو بەرهەمێن بەرهەڤی درینێ نە ب درین و بەرهەمێن چاندنێ ب پارێزن.