AM:10:41:29/04/2024
48 جار خوێندراوەتەوە
+
-
کۆمپانیا دانەغاز ڕاگەهاند، دگەل ئالیێن پەیوەندیدار ل عێراقێ و
هەرێمێ کار دکەن بۆ بلندکرنا رێکارێن ئەولەهی و بەرەڤانیێ دا کو جارەکا دی وەبەرئینان
د زەڤیا کۆرمۆر دا دەستپێبکەتە ڤە.
کۆمپانیا دانەغاز د ڕاگەهاندنەکێ دا بەحسا
وێیەکێ ژیکر، ب سەدەمێ وێ هێرشا رۆژا دەربازبووی زیانێن ماددی بەر زەڤیا غازا
کۆرمۆر کەفتینە.
ئاماژە ب وێیەکێ ژیکر، ب وی سەدەمی وەبەرئینان ب ئاوایەکێ دەمکی
ڕاگرتیە و گۆهرین د ئاوایێ کارێن خۆدا کریە.
ئەو یەکژی بەرچاڤکر، هەر ب سەدەمێ وێ بوویەرێ چار کەسان ژیانا خۆ
ژدەستدان.
ئەڤە ژی د دەمەکێدایە،
رۆژا ئەینی بالەفڕێن بێ بالەفڕڤان هێرش کرە سەر زەڤیا غازا کۆرمۆر و ب وی سەدەمی
چار کارمەندێن بیانی ژیانا خۆ ژدەستدان و دوویێن دی ژی بریندار بوون، هەر ب وی
سەدەمی هنارتنا غازێ ب وێستگەهێن کارەبێ هاتە ڕاگرتن و بەرهەمئینانا کارەبێ کێم
بوو.