AM:10:29:29/04/2024
32 جار خوێندراوەتەوە
+
-
بڕیارە ئەڤرۆ پەرلەمانێ عێراقێ بجڤیت و د
ڕاگەهاندنەکێ دا کارنامەیا جڤینا ئەڤرۆ دووشەمبیێ بەلاڤکر و تێدا، دەنگ لسەر
مادەیەکێ دهێتە دان و خاندنا ئێکێ و دووێ بۆ پێنج ماددەیان دهێتە کرن.
پەرلەمانێ
عێراقێ کارنامەیا جڤینا ئەڤرۆ بەلاڤکر و تێدا، دەنگ لسەر سەرراستکرنا یاسایا ژمارە
١١ یا سالا ٢٠١٦ کو تایبەتە ب رێکخستنا چاندنا ئەندامێن مرۆڤی کو چار ماددەیان بخۆ
ڤە دگریت.
ل بڕگەیا دووێ یا وێ کارنامەیێ دا، خاندنا
ئێکێ بۆ یاسایا رێکخستنا کرێکاران و فەرمانبەرێن پیشەسازی ل عێراقێ دهێتە کرن کو ل
٤٨ ماددەیان پێکدهێن.
د بڕگەیا سێیێ دا، خاندنا ئێکێ دێ هێتە کرن
بۆ پرۆژە یاسایا گرێدای کۆمارا عێراقێ ب پڕۆتۆکۆلا سالا ٢٠١٦ـێ، کو پێنجەمین پڕۆتۆکۆلە
دەربارێ وان ماددەیێن چینی ئۆزۆن کێم دکەن ل سالا ١٩٨٧، کو هەڤپێچی رێککەفتن نامەیا
ڤیەننا بۆ پاراستنا چینێ ئۆزۆنی ل سالا ١٩٥٨ بوو، کو دوو ماددەیان بخۆڤە دگریت.
د برگەیا چارێ یا وێ کارنامەیێ دا، خاندنا
ئێکێ بۆ سەرراستکرنا سێیەم یاسایا قەرەبووکرنا قوربانیان کو بەشەک ژ ئەندامێن
لاشەیێ خۆ ژدەستداینە د ئەنجامێ ڕاهێنانێن رێکخراویی دا ژمارە ٥ یا سالا ٢٠٠٩، سێ
ماددەیان بخۆڤە دگریت.
بڕگەیا پێنجێ تایبەت دبیت ب خاندنا ئێکێ بۆ
سەراستکرنا دووەم یاسایا دەزگەهێ زیندانیێن سیاسی ژمارە ٤ یا سالا ٢٠٠٦، کو دوو
ماددەیان بخۆڤە دگریت.
د داوی بڕگە دا،
خاندنا دووێ بۆ سەراستکرنا یاسایا هەڤئاوابوونا باوەرنامە و باوەرنامەیێن ئەکادیمیێن
عەرەبی و بیانیێن ژمارە ٢٠ یا سالا ٢٠٢٠ دهێتە کرن.