AM:08:27:29/04/2024
324 جار خوێندراوەتەوە
+
-
پشتی زێدە بوونا گرژی و ئالۆزیان ل رۆژهەلاتا
ناڤەڕاست و کێمبوونا پەترۆلا کۆگەهکریا حەفتیانە پەترۆلا ئەمریکا ل بازارێن جیهانێ
بهایێ پەترۆلێ ب ڕێژەیا ٠.٥٥٪ بلند بوو و د نهادا ئێک بەرمیلا پەترۆلا برێنت ب ٨٨
دۆلار و ٦٧ سەنتان بازار پێ دهێتە کرن و هەڤبەر ب دوهی ئێکشەمبیێ بهایێ وێ هاتە
خار.
ئەڤڕۆ دووشەمبی، پشتی کو دوو رۆژێن دەربازبووی
دگەل بلندبوونا بهایێ پەترۆلا برێنتا رەشدا ژبەر کێمبوونا ئاستێ ئەنەرژیا رەشا کۆگەهکری
پەترۆلا رۆژئاڤایێ تێکساس ژی بلندبوو و هەر بەرمیلەک ب ٨٣ دۆلار و ١٤ سەنتان بازار
پێ دهێتەکرن.
دەربارەی ڤی بابەتی رێکخراوا ئۆپێک پلەس راگەهاند،
دێ بەردەوام بین لسەر کێمکرنا ئاستێ بەرهەمئینان و هناردەکرنا پەترۆلێ بۆ بازارێن
جیهانێ و د نهادا خاستا بازارێن پەترۆلێ ب پاراستی مایە.
ژلایەکێ دیڤە، ناڤەندا کارگێڕیا ئەنەرژیا ئەمریکا
راگەهاند، د چارێکا ئێکێ یا ئەڤسالە دا ئاستێ وەبەرئینانا پەترۆلێ بسەدەما نزم
بوونا پلەیێن گەرمێ، ب رێژەیا ٣.٢٪ نزم بوویە و شرۆڤەکارێن پەترۆلێ ژی دبێژن، ئەڤ
نزم بوونە دێ بیتە سەدەمێ بلندبوونا بهایێ پەترۆلێ.
سەدەمەکێ دی یێ بلند بوونا بهایێ پەترۆلێ،
دووبارە ب ئارمانج گرتن و تەقاندنا وێستگەهێن ئەنەرژیا رەشا رووسیا بوو ژ لایێ ئۆکرانیا
کو ئێکە دیە ژ سەدەمێن بلند بوونا بهایێ پەترۆلێ بۆ سەر ٨٩ دۆلاران.
هەڤدەم، پشتی زیدە بوونا گرژی و ئالۆزیان ل رۆژهەلاتا
ناڤەراست و ب تایبەت ل سوریا، بازارێن جیهانێ نە بنەجهی بخۆڤە دیت و بهایێ ئێک بەرمیلا
پەترۆلا برێنت ب ٩٠ دۆلار و ٧٥ سەنتان بازار پێ هاتە کرن. شارەزا ئاماژە ب وێیەکێ
دکەن،"بهایێ پەترۆلێ دێ نێزیک بیت ژ١٠٠ دۆلاران".
ناڤەندا کارگێڕیا ئەنەرژیا ئەمریکا راگەهاند، د
مەها کانوونا دووێ یا ئەڤسالە دا ئاستێ وەبەرئینانا پەترۆلێ بسەدەما نزم بوونا پلەیێن
گەرمێ، ب رێژەیا ٦.٢٪ نزم بوویە و شرۆڤەکارێن پەترۆلێ ژی دبێژن، ئەڤ نزم بوونە دێ
بیتە سەدەمێ بلندبوونا بهایێ پەترۆلێ.