PM:05:02:22/04/2024
60 جار خوێندراوەتەوە
+
-
سەرۆک وەزیرێن عێراقێ
ڕاگەهاند، لسەر گەشەپێدانا پرۆژەیێ گەسەپێدانێ وان یاداشتنامەیەک دگەل تورکیا و قەتەر و ئیمارات
ئیمزاکر، دبێژیت ژی، "نابیت عێراق بهێتە بکارئینان بۆ هێرشکرنە سەر ئاخا
ولاتێن هەڤسێ".
ئەڤڕۆ دووشەمبی،
محەممەد شیاع سودانی سەرۆک وەزیرێن عێراقێ د کۆنفرانسەکا رۆژنەماڤانی دا راگەهاند،
وان دڤێت پەیوەندیەکا باش دگەل ولاتێ تورکیا هەبیت.
ئاماژە ب وێیەکێ ژیکر، رێککەفتنێن جودا جودا دگەل ئالیێن تورکیا ئیمزا
کرینە و یاداشتنامەیەکا لێکتێگەهشتنا چار ئالی دناڤبەرا عێراقێ و تورکیا و قەتەر و
ئیمارات ئیمزا کریە.
ئەو یەکژی بەرچاڤکر، پێگیرن کو چ هێزەک ئاخا عێراقێ بکارنەئینن بۆ
هێرشکرنە سەر ولاتێن دەڤەرێ و رێکێ ب چ ولاتەکی نادەن دەستێوەردانێ د کاروبارێ
ناڤخۆیا عێراقێ دا بکەت.
هەڤدەم، دەربارێ وێ یاداشتناما نڤیسینگەها سەرۆک وەزیرێن عێراقێ
بەلاڤکری، لدیڤ وێ یاداشتنامێ هەر چار ولاتێن عێراق و تورکیا و ئیمارات و
قەتەر ب هەڤبەندی کار د پرۆژێ رێکا
گەشەپێدانێ دکەن بۆ بەرەڤ پێشبرنا زێدەتر یا پرۆژەی.
ئاماژە ب وێیەکێ ژیکر، پرۆژێ رێکا گەشەپێدانێ
دێ بیتە سەدەما بهێزبوونا ئابووری و بەرەڤپێش برنا پەیوەندیان و هەڤکاریا هەرێمی و
نێڤدەولەتی و بزاڤ بۆ ئابووریەکێ بەردەوام دناڤبەرا رۆژهەلات و رۆژئاڤا دا،
هەروەسا دێ کارکەن بۆ رێکەکا نوی یا ڤەگوهاستنێ و باشترکرنا خزمەتگوزاریێن هەرێمی.