PM:05:00:03/10/2023
1924 جار خوێندراوەتەوە
+
-
وەزارەتا پەروەردا هەرێمێ ڕاگەهاند، چ دەرڤەت
نینە گۆهرین د سالنامەیا خاندنێ دا بهێتەکرن، ژبەر وێیەکێ ژی هەمی رێڤەبەریێن گشتی
یێن پەروەردێ یێن پەیوەندیدار هایدار دکەن ب زوترین دەم دەست ب دەواما ناڤەندێن
خاندنێ بکەن.
جڤاتا وەزارەتا پەروەردێ دەربارەی مووچەیێ مامۆستایان ڕاگەهاندنەک
بلاڤکر و تێدا هاتیە، مووچە مافەکێ بنەرەتیێ مامۆستا و فەرمانبەرانە و سوپاسیا
رۆلێ دلسۆزیێ مامۆستایان دکەین، هەمی ئالیەک ژی رەوشا داراییا نها و سەدەمێ
دروستبوونا وێ رەوشێ دزانیت کو بەرهنگاری کوردستانێ بوویە.
ئاماژە ب وێیەکێ ژی هاتیەکرن، زێدەتری دوو حەفتیانە
دەواما ناڤەندێن خاندنێ دەستپێکریە، لێ ل هند دەڤەران دەوام نەهاتیەکرن، داخاز
دکەین ب زوویترین دەم دەست ب پرۆسەیا پەروەردێ و فێربوونێ ل وان دەڤەران بهێتەکرن
ژبەرکو دەرئەنجامێ ڕاگرتنا پرۆسەیا پەروەردێ و فێرکرنێ ل سالێن دەربازبووی گەلەک
زیان هەبووینە و چ دەرفەت نینە کو گۆهڕین د سالنامەیا خاندنێ دا بهێتەکرن.
ئەو یەکژی بەرچاڤکر، "هەمی رێڤەبەریێن پەروەردەیێن
پەیوەندیدار هایدار دکەین کو ب زوویترین دەم دەست ب داومکرنێ ل ناڤەندێن خاندنێ
بهێتەکرن".
ئەڤە د دەمەکی دایە، ژبەر پێنەدانا شایستەیێن دارایێن
مامۆستایان و وانەبێژان ل هند قوتابخانەیێن هەرێمێ پرۆسەیا خاندنێ هاتیە راوەستاندن
و حکومەتا ریڤەبرنا کاران ژی گوهـ نادەتە داخازیێن مامۆستایان و وانەبێژان.