PM:05:37:23/09/2023
408 جار خوێندراوەتەوە
+
-
هاریکارێ ئەمیندارێ وەزارەتا چاندنا عێراقێ بۆ
ئاژانسا نووچەیێن عێراقێ ڕاگەهاند، د پلانا زستانا ئەڤسالە دا سیستەمەکێ نوویێ ئاڤدێری
دێ بسەر جوتیاران دا دابەشکەن.
ئەڤرۆ شەمبیێ، مەهدی سەحەر هاریکارێ ئەمیندارێ
وەزارەتا چاندنا عێراقێ د داخۆیانیەکێ دا بۆ ئاژانسا عێراقێ بەحسا وێیەکێ کر،
پلانا چاندنا زستانێ بۆ سالا ٢٠٢٣ و ٢٠٢٤ـێ ب هەڤبەندی دگەل وەزارەتا سامانێن ئاڤی
بریارە بەرهەنگاری ئێک ملیۆن و ٥٠٠ هزار دۆنەمێن عەردی بۆ چاندنێ تەرخان بکەن.
ئاماژە ب وێیەکێ ژیکر، ئێک ملیۆن و ٤٥٠ هزار دۆنەم
بۆ وەبەرئینانا گەنمی تەرخانکرینە و ٣٧
هزار دۆنەم بۆ وەبەرئینانا جەهی و ١٠ هزار و ٥٠٠ دۆنەم ب وەبەرئینانا کەسکاتیا
زستانێ تەرخانکرینە.
ئەو یەکژی بەرچاڤکر، نێزیکی چار ملیۆن دۆنەمێن
دی ژی، ب پشتگرێدان ب بیرێن ئاڤا بن عەردی، و لسەر سیستەمێ ئاڤدانا سەردەمیانە بۆ
چاندنێ تەرخانکرینە.
هاریکارێ ئەمیندارێ وەزارەتا چاندنێ گوت ژی،
"د دەسپێکا مەها تشرینا ئێکێ یا بهێت دێ تۆفی بسەر جوتیاران دا دابەش کەین، ئەڤە
ژی د کڤانێ پلانا زستانێ دایە، ژبلی دابینکرنا دەرمانێ ژنەڤبەر بۆ جوتیاران".
ئاماژە ب وێیەکێ ژیکر، گرێبەستەک دگەل وەزارەتا
پیشەسازی هاتیەکرن بۆ کرینا سیستەمێ ئاڤدانێ سەردەمیانە و دابەشکرن بسەر جوتیاران
دا.
ڕاگەهاند ژی، کەرتێ چاندنێ ل عێراقێ ب تایبەت د
وەبەرئینانا بەروبۆمێ دەغل و دانی، پێشکەڤتنەکا مەزن ب خۆڤە دیتیە و بەرەڤ گەهشتنا
ب خۆبرێڤەبرنێ پێنگاڤان دهاڤێژن.
چارشەمبیا دەربازبووی، وەزارەتێن ژێدەرێن ئاڤێ
و چاندنا عێراقێ پەسەندکرنا پلانا چاندنا زستانێ بۆ وەرزێ چاندنا زستانێ بۆ سالا
٢٠٢٣-٢٠٢٤ـێ راگەهاند.