PM:01:14:29/05/2023
1780 جار خوێندراوەتەوە
+
-
رێڤەبەرێ بەرێ یێ تاپۆیا دهۆکێ ب سەدەمێ دەست
هەبوون د چەند دۆسەیێن گەندەلیێ دا هاتە دەستەسەرکرن و ب نێزیکی دوو ملیار دیناران
ژی هاتە سزادان.
نووچەگەهانێ ئێن ئاڕ تی ڕاگەهاند، لدیڤ وان
زانیاریێن کو ب دەست مە کەفتینە ل ناڤەراستا سالا ٢٠٢٢ێ دیڤچوونا وی رێڤەبەری هاتیەکرن
و ل سالا ٢٠٢٣ێ ئەو بابەت لسەر وی پشتراست بوویە و هاتیە دەستەسەرکرن و دبێژن کو
ئەو نەیێ ب تنێ یە لسەر ڤێ دۆسەیێ چەند کەسان ل دەوروبەرێن وی دەست دگەلدا هەبوویە.
ئاماژە ب وێ ژی دا، ئەو رێڤەبەرە دەستپێکێ ل
دهۆکێ هاتبوو دەستەسەرکرن، پشترا بۆ دادگەها هەولێرێ هاتیە رەوانەکرن و پشتی
دادگەهکرنێ هاتیە دەستەسەرکرن و نها د زیندانێ دایە لێ تا نها ناهێتە زانین بۆ دەمێ
چەند سالان دێ هێتە زیندانکرن و تانها کۆژمەکێ پارەی ژێ هاتیە وەرگرتن لێ کۆژمەکێ
زۆر ژی مایە و هێشتا ژێ نەهاتیە وەرگرتن.
لدیڤ زانیاریێن ب دەست ئێن ئاڕ تی کەفتین، ئەو رێڤەبەرێ
هاتیە دەستەسەرکرن ب چەندین دۆسەیان سکالا لسەر هاتیە تۆمارکرن پێشتر ل سالێن 2002
و 2003 و 2005 هژمارەکا پارچە زەڤیان لسەر ناڤێ هەڤژینا خۆ تۆمارکرینە و دەمێ نێزیکی
سالەکێ یە دۆسەیا وی ل دادگەهێ یە و نها بڕیار لسەر هاتیەدان.
هەر لدیڤ زانیارییان، دووبارە ل سالا 2017 سکالا
لسەر وی هاتیە تۆمارکرن و هاتیە زیندان کرن، لێ ب سەدەمێ لێخۆشبوونا گشتی هاتیە
ئازادکرن، پشترا ل دادگەها تێهگەلچوونا هەولێرێ بڕیارا داخستنا وێ دۆسەیێ هاتیە رەتکرن
و بۆ دهۆکێ هاتیە رەوانەکرن.
وەکی د زانیاریاندا هاتیە، ئەو کەسێ پێشتر ڕێڤەبەرێ
تاپۆیا دهۆکێ بوو نها هاتیە زیندان کرن و ب کۆژمێ ملیارەک و 892 ملیۆن دیناران هاتیە
سزادان.
لسەر ڤێ بابەتی ئێن ئاڕ تی پەیوەندی ب سەروکێ دەستەیا
نەزاهێ ل دهوکێ کر، لێ وی سەرۆکی گۆت، چ زانیاری ل دەف مە نینە و نەشێم لسەر
دۆسەیا گەندەلیێ باخڤم.
بریار نێروەیی - دهۆک