PM:05:45:12/11/2022
1468 جار خوێندراوەتەوە
+
-
هەیاما حەفت سالانە حکومەتا هەرێمێ پلەبلندکرنا
فرمانبەران ڕاگرتیە، ب ڕێکا بڕیارەکێ ژی حکومەتا دەم بسەرڤەچوویا هەرێمێ دڤێت ل
بن ناڤەکێ دی مافێ یاسایێ فەرمانبەران بخۆت و ئاریشەیان بۆ پلەبلندکرنا پشکەک ژ
فەرمانبەران دروستبکەت.
لدیڤ پرۆژەیاسایەکێ کو تایبەتە ب پلە
بلندکرنا فەرمانبەران و ژ ئالیێ جڤاتا راژە ڤە ئاراستەیێ حکومەتا دەم بسەرڤەچوویا
هەرێمێ هاتیە کرن، پلەبلندکرنا فەرمانبەران مەرجدار کریە و بڕیارە دەنگ لسەر بهێتە
دان.
لدیڤ پڕۆژە یاسایا جڤاتا ڕاژەیا حکومەتا دەم
ب سەرڤەچووی هەرێمێ پلەبلندکرنا فەرمانبەران دڤیت لدیڤ پیڤەر و بنەمایێن جڤاتا
گشتیا ڕاژەیێ بهێتە کرن. لدیڤ وێ پرۆژە یاسایێ پلەبلندکرنا فەرمانبەران تنێ ب
تەمامکرنا ڕاژێ نابت، واتە پشتی چار سالان نابیت ژ خزمەتکرنێ، بەلکی مەرجدار کریە
و فەرمانبەران ئەو مافێ بەرێ نامینیت.
ب ئاوایەکی ب هەڤرکیا دناڤبەرا فەرمانبەران
دبیت، شەش مەهان ژی پشتی پلەبلندکرنێ فەرمانبەر دبن چاڤدێریکرنێ دبیت. هەر لدیڤ
پرۆژە یاسایێ ژ وەزارەتان ب فرمانا وەزیری لژنەیەک دێ هێتە پێکئینان بۆ ڤاڤارتنا
وان فەرمانبەرێن ژ هەژی پلەبلندکرنێنە.
ئەڤە د دەمەکی دایە، ل گۆڕ ماددەیێ ١٨ ل یاسایا
خزمەتا شارستانی ژمارە ٢٤ێ سالا ١٩٦٠ێ، پلەبلنکرن مافەکێ یاسایێ فەرمانبەرانە و
لسەر بنەمایێ شەهرەزایێ و هەیاما خزمەتێیە.