AM:10:45:28/04/2024
1056 جار خوێندراوەتەوە
+
-
ل دەمێ ڤەکرنا بازارێن دراڤێن هەرێمی بهایێ ١٠٠ دۆلار
ب ١٤٦ هزار و ١٥٠ دیناران بازار پێ هاتە کرن.
ئەڤرۆ ئێکشەمبی، بهایێ ١٠٠ دۆلاران د بازارێن دراڤێن
هەرێمێ دا ل هەمبەر ١٤٦ هزار ١٥٠ دینارانە، ب ڤێ یەکێ ژی بهایێ وێ د نزمیێ دا ب
بنەجهی مایە.
ژلایەکێ دیڤە ژی شێوەرمەندەکێ سودانی بۆ ئێن ئاڕ
تی ڕاگەهاند، سەرەدانا سودانی بۆ ئەمریکا سەدەمەکێ سەرەکیێ داکەفتنا بهایێ دۆلاریە
و دهێتە چاڤەرێ کرن ژی بهایێ دۆلاری زێدەتر بهێتە خار.
پشتی رێککەفتنا بەنکا ناڤەندی دگەل بەنکا جەی پی
مۆرگان، بەنکا ناڤەندی د هەیاما پێنج حەفتیێن دەربازبووی دا ب تێکڕا زێدەتری ئێک
ملیار و ٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی، ئاستێ فرۆتنا زێدەتر
نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی، ئەندامێ شاندێ
سەرۆک وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا سودانی بۆ واشنتۆن
دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ کۆنترۆلکرنا
بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ بەرچاڤ و بلەز
بهایێ دۆلاری دێ هێتە خار.