AM:10:25:24/04/2024
1796 جار خوێندراوەتەوە
+
-
پشتی کو دوهی سێشەمبی بهایێ دۆلاری بۆ خار ١٤٧ هزار
دیناران هاتە خار، د نها دا ل بازارێ دراڤێن هەرێمێ ١٠٠ دۆلار ب ١٤٧ هزار دیناران
بازار پی دهێتەکرن.
ئەڤرۆ چارشەمبی، بهایێ ١٠٠ دۆلاران لهەمبەر ١٤٧
هزار دینارانە، د دەمەکێدا ل دەمێ ڤەکرنا
بازارێن دراڤان ١٠٠ دۆلار لهەمبەر ١٤٦ هزار ٩٠٠ دیناران بوو.
ئەڤە د دەمەکی دایە، دوهی ل دەمێ داخستنا بزارێن
دراڤێن هەرێمێ بهایێ ١٠٠ دۆلاران هاتە خار ١٤٧ هزار دیناران و ب ١٤٦ هزار و ٥٠٠
دیناران بازار پێ دهاتەکرن.
ژلایێ خۆڤە ژی شێوەرمەندەکێ سودانی بۆ ئێن ئاڕ تی
ڕاگەهاند، سەرەدانا سودانی بۆ ئەمریکا سەدەمەکێ سەرەکیێ داکەفتنا دۆلاریە و دهێتە
چاڤەرێ کرن ژی بهایێ دۆلاری زێدەتر بهێتە خار.
پشتی رێککەفتنا بەنکا ناڤەندی دگەل بەنکا جەی پی
مۆرگان، بەنکا ناڤەندی د هەیاما پێنج حەفتیێن دەربازبووی دا ب تێکڕا زێدەتری ئێک
ملیار و ٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی، ئاستێ فرۆتنا زێدەتر
نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی، ئەندامێ شاندێ
سەرۆک وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا سودانی بۆ واشنتۆن
دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ کۆنترۆلکرنا
بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ بەرچاڤ و بلەز
بهایێ دۆلاری دێ هێتە خار.