PM:08:50:28/04/2024
388 جار خوێندراوەتەوە
+
-
پەیڤدارێ وەزارەتا کارەبا حکومەتا رێڤەبرنا کاران بۆ دیجیتال میدیایا
ئێن ئاڕ تی ڕاگەهاند، بزاڤێن خۆ دژۆار تر کرینە بۆ کو ژ بیاڤێ تەکنیکی ڤە هناردەیا
گازێ ل زەڤیا کۆرمۆر ئاسایی ببیتە ڤە و دگەل ئاسای بوونا هناردەیا غازێ دشێن د هەیاما
کێمترین ٢٤ دەمژمێران دا رەوشا دابەشکرنا کارەبێ ئاسایی بکەنە ڤە.
ئەڤرۆ ئێکشەمبی، ئۆمێد محەمەد پەیڤدارێ وەزارەتا کارەبا حکومەتا رێڤەبرنا
کارێن هەرێمێ بۆ ئێن ئاڕ تی ڕاگەهاند، بزاڤان دکەن بۆ ئاسایی بوونا رەوشا کارەبێ و
د نها دا ژی یا کو مای گرێدایە ب ئاسایی بوونا رەوشا هناردەیا غازێ ل زەڤیا
کۆرمۆر.
ئاماژە ب وێیەکێ ژیکر، ئەگەر هناردەیا غازێ ل زەڤیا کۆرمۆر ئاسایی
ببیت و هەمی وێستگەهێن کارەبێ غازا پێدڤی بگەهیتێ وەسا وەزارەتا کارەبێ دشێت د
هەیاما ٢٤ دەمژمێران دا رەوشا دابەشکرنا کارەبێ ل هەمی باژێران ئاسایی بکەتە ڤە.
بەحسا وێیەکێ ژیکر، ل دەمێ ب ئارمانج گرتنا زەڤیا کۆرمۆر ب رێکا بزاڤ
و پشتەڤانکیرنا کارەبا حکومەتا رێڤەبەرنا کارێن هەرێمێ دشیان رێکێ ژ ڤەمراندنا
کارەبا گشتی بگرن، گوت ژی، "سوپاسیا وەزارەتا چەندنێ و ژێدەرێن ئاڤا حکومەتا
رێڤەبرنا کاران دکەین کو هەڤکارێن مە بوون ب رێکا بەردانا ئاڤا بەنداڤا دووکان و
دەربەندیخان بۆ کارپێکرنا یەکەیێن کارێن ئاڤی".
ئەڤە ژی د دەمەکێدایە، رۆژا ٢٦ـی نیسانێ وەزارەتا کارەبێ و سامانێن
سروشتیێن حکومەتا رێڤەبەرنا کارێن هەرێمێ بەلاڤکر، ب سەدەمێ هێرشەکا بالەفرێن بێ
بالەفڕڤان بۆ سەر زەڤیا غازا کۆرمۆر هنارتنا گازێ بۆ وێستگەهێن بەرهەمئینانا
کارەبێ راوستاینە و ب وی سەدەمی نێزیکی دوو هزار و ٥٠٠ مێگاواتێن کارەبێ کێم
بووینە.