PM:01:21:28/04/2024
112 جار خوێندراوەتەوە
+
-
بڕیارا دڤێ مەهێ دا وەزیرێ دەرڤەیێ
ئەمریکا سەرەدانا سعودییە بکەت و دگەل ئالیێن هەڤبەشێن وێ دەڤەرێ کۆم بیت و گۆتوبێژان
دەربارەی بزاڤان بۆ ڕاگەهاندنا ئاگربەستێ ل کەرتێ غەززە و ئازادکرنا بارمتەیان
بکەن.
ئەڤرۆ ئێکشەمبیێ، وەزارەتا دەرڤەیا
ئەمریکا د ڕاگەهاندنەکێ دا بەلاڤکر، ئەنتۆنی بلینکن وەزیرێ دەرڤەیێ ئەمریکا رۆژێن
دووشەمبی و سێشەمبیا ڤێ حەفتیێ سەرەدانا سعودییە دکەت و گۆتوبێژێن بزاڤێن
ئازادکرنا بارمتەیان و ڕاگەهاندنا ئاگربەستێ ل کەرتێ غەززە دهێنەدان.
هەڤدەم، ماتیۆ میلەر پەیڤدارێ
وەزارەتا دەرڤەیا ئەمریکا ڕاگەهاند، ل دەمێ کۆمبوونا بلینکن دگەل ئالیێن هەڤبەشێن
سعودییە بەحسا زێدەکرن و بەردەوامبوونا هاریکاریێن مرۆڤی بۆ ئاکنجیێن غەززە دکەت.
ئاماژە ب وێ یەکێ ژی کر، ل دەمێ
سەردانا وی کو بۆ دەمێ دوو رۆژان دخایەنیت، بلینکن پشکداریێ د کۆمبوونەکا هاریکاریا
کەنداڤا عەرەبی دا دکەت ب ئارمانجا توندکرنا هەڤبەندیا ئەولەهیێ ل وێ دەڤەرێ.
هەڤدەم، بڕیارە بلینکن پشکداریێ د
کۆمبوونا کۆربەندا ئابووریا جیهانێ دا بکەت کو تایبەتە ب هاریکاریا جیهانی و گەشە
و ئەنەرژیێ.