AM:10:14:28/04/2024
760 جار خوێندراوەتەوە
+
-
هویربینی بۆ لیستا
مووچەیێ فەرمانبەرێن هەرێمێ ل وەزارەتا داراییا عێراقێ دەست پێکر و ژێدەرەکێ
هایدار ژی بۆ ئێن ئاڕ تی ڕاگەهاند، د دوو رۆژێن بهێت دا هویربینیا تەمام دبیت و پارەیێ
مووچەی دێ هنێرن.
پشتی کو حەفتیا
دەربازبووی وەزارەتا داراییا عێراقێ لیستا مووچەی بۆ هەرێمێ ڤەگەراند و ڕاگەهاند،
لیستا مووچەی لدیف رێنمایێن بەغدا نەهاتیە بەرهەڤکرن، هەرێمێ دەستکاریا لیستێ نەکر
و دووبارە بۆ بەغدا هنارت.
لدیف زانیاریێن ئێن ئاڕ
تی کو ژ ژێدەرەکی د وەزارەتا داراییا عێراقێ دا دەستکەفتینە، ئەڤرۆ دگەل
دەستپیکرنا دەوامێ هویربینی بۆ لیستا مووچەی دەست پێکر.
هەر لدیف زانیاریێن ئێن
ئاڕ تی، د 48 دەمژمیرێن بهێت دا هویربینی دێ تەمام بیت و پارەیێ مووچەیێ مەها چار
دێ هێتە هنارتن.
ئەڤە د دەمەکی دایە،
هەیاما نێزیکی 15 رۆژان وەزارەتا داراییا عێراقێ چەڤەرێ هەرێمێ کر لیستا مووچەیێ
مەها نیسانێ بۆ بهنێریت، لێ هەرێمێ هنارتنا لیستێ گیرو کر و شاشی ژی تێدا بوون و
وەزارەتا داراییا عێراقێ لیست بۆ هەرێمێ ڤەگەراند.