PM:08:58:03/05/2024
376 جار خوێندراوەتەوە
+
-
پەیڤدارێ وەزارەتا
ڤەگوهاستن و گەهاندنا هەرێمێ راگەهاند ، ئەڤشەڤە تاڤیێن بهێز یێن بارانێ دێ بارن ب تایبەتی ل سەنتەرێ
باژێڕێن "هەولێر و کۆیە وئیدارەیا گەرمیان و بەشەکا پارێزگەهێن سلێمانی و
دهۆکێ".
ئەڤڕۆ ئەینی، دیلان
رەشاد پەیڤدارێ وەزارەتا
ڤەگوهاستن و گەهاندنا هەرێمێ راگەهاند، دهێتە پێشبینیکرن ل دەمژمێر ١ـی ئەڤشەڤە تا
دەمژمێر ٩ـی سپێدەهیا سوبەهی تاڤیێن بارانێن بهێز ل سەنتەرێ باژێڕێن "هەولێر
و کۆیە وئیدارەیا گەرمیان و بەشەکا پارێزگەهێن سلێمانی و دهۆکێ"، دێ باریت.
بۆ دەمێ چەند رۆژانە
پێلەکا باران بارینێ هەرێما کوردستنێ ڤەگرتی و ل باژێڕێن هەولێر و دهۆکێ ئاستێ
ئاڤێ بلندبوویە و لەهی دروستبووینە.
هەڤدەم، ئەڤڕۆ گرووپەکێ چیاڤانی کو ژ ١٢ کەسان
پێکهاتبوون ب مەرەما چیاڤانیێ سەرەدانا دەڤەرا قەرەداغ کربوو لێ ژبەر لەهیێ چار کەس د ئاڤێ دا خەندقین و تەرمێن وان هاتنە
ڤەگوهاستن بۆ نوژداریا داد ل سلێمانیێ.