AM:11:41:03/05/2024
636 جار خوێندراوەتەوە
+
-
بەنکا تی بی ئای د
نڤیسارەکێ دا ڕاگەهاند، وان بەرهەڤیێن تەمام کرینە بۆ دەستپێکرنا پرۆژەیێ ب بەنک کرنا
مووچەیێ مووچەخۆرێن هەرێمێ وان داخاز ژی کریە کو وەزارەتا داراییا حکومەتا
رێڤەبرنا کارێن هەرێمێ هەمی وەزارەت و رێڤەبەریان هایدار بکەت، دبێژیت ژی، "لدیف
بڕیارا دادگەها فیدرالی د هەیامەکا کێم دا دشێن مووچەیێ مووچەخۆران بکەنە بەنکی".
ئەڤرۆ ئەینی، بەنکا
بازرگانیا عێراقێ د نڤیسارەکێ دا داخاز ژ وەزارەتا داراییا حکومەتا رێڤەبرنا کارێن
هەرێمێ کریە بەرهەڤیان بکەت بۆ بەنک کرنا مووچەیێ مووچەخۆرێن هەرێمێ و بۆ وێ مەرەمێ
ژی ئاسانکاری بۆ دەست گەهشتن ب لیستا مووچەیێ مووچەخۆران بهێنە کرن.
بەحسا وێ یەکێ ژی کر، داخاز
ژ وەزارەتا داراییا حکومەتا رێڤەبرنا کارێن هەرێمێ دکەین هەمی وەزارەت و رێڤەبەریان
هایدار بکەت کو ژ رۆژا ئێکشەمبی ڤە ب رێکا بەنکا بازرگانیا عێراقێ TBI دشین دەست ب بەنک کرنا مووچەیێن
خۆ بکەن.
ئەڤە د دەمەکی دایە،
رۆژا 3ـێ تشرینا ئێکەما سالا دەربازبووی فراکسیۆنا نەوەی نوێ ل پەرلەمانێ عێراقێ
پرۆژەیەک پێشکەشکرن بۆ دابەشکرنا مووچەیێ فەرمانبەرێن هەرێمێ ب رێکا بەنکا
بازرگانیا عێراقێ و چەند پەرلەمانتارێن فراکسیۆنێن جودایێن پەرلەمانێ عێڕاقێ ئیمزا
لسەر وی پرۆژەی کرن کو 119 ئیمزا بوون.
پشترا، شاسوار
حەبدولواحید سەرۆکێ ڤەلڤینا نەوەی نوێ ئەو پرۆژەیە گەهاندە محەمەد شیاع سودانی
سەرۆک وەزیرێن عێراقێ و ئەو پرۆژەیە ژی پەسەند کر.