AM:09:13:03/05/2024
48 جار خوێندراوەتەوە
+
-
پشتی کو رێڤەبەریا
سەقاناسیا هەرێمی هایداری ژ هاتنا پێلەکا دی یا باران بارینا بهێز دای جارەکا دی ل
چەند تاخێن هەولێرێ لەهی دروست بوو و نووچەگەهانێ ئێن ئاڕ تی ئاماژە ب وێ یەکێ کر،
ژبەر لەهیێ زیان ب زێدەتری شەش تاخان گەهشتینە.
ئەڤرۆ ئەینی، نووچەگەهانێ
ئێن ئاڕ تی بەحسا وێ یەکێ کر، پێلەکا باران بارینا بهێز هەولێر ڤەگرتیە و ب وێ
سەدەمێ ژی ل تاخێ سێتاقان و تاخێ شۆرش و گلکەند و پرا سەیداوە و چەند تاخێن دی
لەهی دروست بوویە.
ئەو یەکژی بەرچاڤکر، سەدەمێ
دروست بوونا لەهیێ ل هەولێرێ ب دیاریکری ژبەر بچیکیا سولێنێن ئاڤێ نە کو د ئاستێ پێدڤی
دا نینە، گوتژی، سولینێن تاخان و ب تایبەت ژی یێن تاخێ تەیراوا وەک پێدڤی نینە و
ژبەر هندێ چەندین سالن بەردەوام لەهی لێ دروست دبیت و زیان ب وەلاتی و کاسبکاران
دگەهیت.
هەڤدەم، دوهی پێنجشەمبی،
نووچەگەهانێ ئێن ئاڕ تی ل هەولێرێ ڕاگەهاند، ژ ئەنجامێ زۆریا برا باران بارینێ ل
تاخێ تەیراوا، جاددەیا سورچیان کو دکەڤیتە پشت ئاهیێ ئاڤاهیێ پارێزگەها هەولێرێ، ل
بنەسلاوە، تاخێ فەرمانبەران، دارەتوو، جاددەیا پەروەردەیا هەولێرێ و بەشەکا
جاددەیا 60 مەتری لەهی دروست بوو و ئاستەنگیێن هاتن و چوونێ بۆ وەلاتی و شۆفێران
دروست بوون.
ئومێد چۆمانی – هەولێر