AM:08:39:03/05/2024
52 جار خوێندراوەتەوە
+
-
لدیف داتایێن
بازارێن پەترۆلێ یێێن جیهانێ، د نها دا ئێک بەرمیلا پەترۆلا برێنت ب ٨٣ دۆلار و ٨٩
سەنتان بازار پێ دهێتە کرن و هەیاما چەند رۆژانە ب بەردەوامی بهایێ وێ دهێتە خار.
ئەڤرۆ ئەینی،
بهایێ ئێک بەرمیلێ پەترۆلا رۆژئاڤایی تێکساس ب ٧٩ دۆلار و ١٨ سەنتان بازار پێ
دهێتە کرن و هەڤبەر ب دوهی بهایێ وێ ب رێژەیا ٠.٢٣٪ بۆ هەر لترەکێ بلند بوویە.
دەربارەی ڤی بابەتی
رێکخراوا ئۆپێک پلەس راگەهاند، دێ بەردەوام بین لسەر کێمکرنا ئاستێ بەرهەمئینان و
هناردەکرنا پەترۆلێ بۆ بازارێن جیهانێ و د نهادا خاستا بازارێن پەترۆلێ ب پاراستی
مایە.
ژلایەکێ دیڤە،
ناڤەندا کارگێڕیا ئەنەرژیا ئەمریکا راگەهاند، د چارێکا ئێکێ یا ئەڤسالە دا ئاستێ وەبەرئینانا
پەترۆلێ بسەدەما نزم بوونا پلەیێن گەرمێ، ب رێژەیا ٣.٢٪ نزم بوویە و شرۆڤەکارێن پەترۆلێ
ژی دبێژن، ئەڤ نزم بوونە دێ بیتە سەدەمێ بلندبوونا بهایێ پەترۆلێ.
سەدەمەکێ دی یێ
بلند بوونا بهایێ پەترۆلێ، دووبارە ب ئارمانج گرتن و تەقاندنا وێستگەهێن ئەنەرژیا
رەشا رووسیا بوو ژ لایێ ئۆکرانیا کو ئێکە دیە ژ سەدەمێن بلند بوونا بهایێ پەترۆلێ
بۆ سەر ٨٩ دۆلاران.
هەڤدەم، پشتی زیدە
بوونا گرژی و ئالۆزیان ل رۆژهەلاتا ناڤەراست و ب تایبەت ل سوریا، بازارێن جیهانێ نە
بنەجهی بخۆڤە دیت و بهایێ ئێک بەرمیلا پەترۆلا برێنت ب ٩٠ دۆلار و ٧٥ سەنتان بازار
پێ هاتە کرن. شارەزا ئاماژە ب وێیەکێ دکەن،"بهایێ پەترۆلێ دێ نێزیک بیت ژ١٠٠
دۆلاران".
ناڤەندا کارگێڕیا
ئەنەرژیا ئەمریکا راگەهاند، د مەها کانوونا دووێ یا ئەڤسالە دا ئاستێ وەبەرئینانا
پەترۆلێ بسەدەما نزم بوونا پلەیێن گەرمێ، ب رێژەیا ٦.٢٪ نزم بوویە و شرۆڤەکارێن پەترۆلێ
ژی دبێژن، ئەڤ نزم بوونە دێ بیتە سەدەمێ بلندبوونا بهایێ پەترۆلێ.