PM:07:08:02/05/2024
3628 جار خوێندراوەتەوە
+
-
پشتی کو د رۆژێن بووری دا بهایێ دۆلاری گۆهڕین بسەردا هات، ئەڤڕۆ جارەکا دی
بهایێ دۆلاری خار ١٤٦ هزار دیناران ب بنەجهی ما، د دەمێ دائێخستنا بازارێ دراڤان ل
هەرێمێ ١٠٠ دۆلار ب ١٤٥ هزار و ٨٥٠ دیناران بازار پێ هاتەکرن.
د دەمێ ٢٨ـی نیسانێ بۆ
٢ـی ئەیارێ بهایێ دۆلاری دناڤبەرا ١٤٥ هزار و ٧٥٠ دیناران بۆ ١٤٦ هزار و ٢٥٠ دیناران
بازاپێ هاتەکرن ب تایبەتی ئەڤڕۆ پێنجشەمبی د دەمێ دائێخستنا بازارێن دراڤان ١٠٠
دۆلار ب ١٤٥ هزار و ٨٠٠ بۆ ٨٥٠ دیناران بازار پێ هاتەکرن.
هەڤدەم لدیڤ پێنوێنیا
میدیایێن عێراقی، بەنکا ناڤەندی هاتیە ئەرکدارکرن بۆ کۆنترۆلکرنا بهایێ دۆلاری و
راگرتنا قاچاخچیاتیێ ب دراڤێن بیانی، بۆ ڤێ مەرەمێ عێراق دێ بزاڤان کەت هەمی
مامەلەیێن ولاتی بکەتە ئەلیکترۆنی. دبێژیت ژی، "تیمەکا کارێ هەڤبەش دناڤبەرا
دەسهەلاتا گشتییا باج و ئاسایشا نیشتیمانی و وەزارەتا ناڤخۆ پێکدئینیت بۆ
رووبرووبوونا تاوانا رێکخراو دبن چاڤدێریا بەنکا ناڤەندی".
ژ لای خۆڤە، پەیڤدارێ
بازارێ دراڤان ل سلێمانیێ بۆ ئێن ئاڕ تی راگەهاند، بهایێ دۆلاری داکەفتنەکا بەرچاڤ
ب خۆڤ دیتیە وێ یەکێ ژی کارتێکرنا سەرەدانا محەممەد شیاع سودانی بوو بۆ ئەمریکا و
دهێتە پێشبینیکرن بهایێ دۆلاری د ١٤٥ هزار دیناران دا بمینیت.
ئەڤە د دەمەکی دایە، بەنکا
ناڤەندیا عێراقێ، د دەمێ دوو حەفتیێن بووری دا ب هەردوو ئاوایێ کاش و حەوالە نێزیکی
سێ ملیار دۆلار فرۆتییە و ڤێ ڕێژێ ژی ٩٦٪ ب ئاوایێ حەوالەیا دەرڤە بوویە. ئەڤەژی ئێکەم
جارە بەنکا ناڤەندی د دوو حەفتیان دا بێزیکی سێ ملیار دۆلاران بفرۆشیت.