PM:11:14:01/05/2024
2780 جار خوێندراوەتەوە
+
-
لدویف زانیاریێن ئێن ئاڕ تی، زێدەتری مەهەکێ یە هێزێن هەڤپەیمانان چەندین
کەلوپەلێن تایبەتێن سەربازی بۆ هێزێن پشتەڤانیا دوو یا پێشمەرگەی هنارتینە، لێ
وەزارەتا پێشمەرگەی دەست بسەر وان کەلوپەلان دا گرتیە و دابەش ناکەت.
ئەڤرۆ چارشەمبیێ، لدویف وان زانیاریێن گەهشتینە دیجیتال میدیایا ئێن ئاڕ
تی، ژ لایێ هەڤپەیمانان ڤە کۆمەکا کەلوپەلێن تایبەتێن سەربازی بۆ هێزێن پشتەڤانیا
دوو یا پێشمەرگەی هاتینە هنارتن، لێ زێدەتری مەهەکێ یە ژ لایێ وەزارەتا پێشمەرگەی
ڤە دەست بسەردا هاتیە گرتن و بسەر پێشمەرگەی دا نەهاتیە دابەش کرن.
هەڤدەم، بەشەکا پێشمەرگەیێن هێزێن پشتەڤانیا دوو یێ سەر ب وەزارەتا
پێشمەرگەیا حکومەتا رێڤەبرنا کارێن هەرێمێ بۆ ئێن ئاڕ تی گۆت، دەنگۆیەک د ناڤا
هێزێن پشتەڤانیا دوو یا پێشمەرگەی بەلاڤبوویە، کو وەزارەتا پێشمەرگەی وان
کەلوپەلان دفرۆشیت و دابەش ناکەت.
ئەویەک ژی بەرچاڤ کرن، وی بابەتی نەرازیبوونا وێ هێزێ لدویف خۆ هێلایە و
داخاز دکەن وان کەلوپەلان بسەر وان دا دابەش بکەن.
هێرش قادر - هەولێر