PM:07:38:01/05/2024
388 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، پشتی کو تیما ئێن ئاڕ تی ل دهۆکێ لدویف گازیا خەلکێ گوندێ ئێمینکێ چۆی، ژ لایێ ئاسایشا پارتی ڤە ل وێ دەڤەرێ بۆ دەمەکی هاتە دەستەسەرکرن.
ئەڤرۆ چارشەمبیێ، نووچەگەهانێ ئێن ئاڕ
تی ئاماژە ب وێ یەکێ کر، تیمەکا ئێن ئارتی لدویف گازیا خەلکی و لسەر داخازا وان چۆنە
گوندێ ئێمینکێ بۆ دیفچوونا ئاریشەیا رێکێن وان، لێ ژلایێ ئاسایشا دهوکێ
بۆ دەمەکی هاتنە دەست سەرکرن.
گۆت ژی، ئاسایشا پارتی گۆتیە وان
نابیت بێی دەستوریا وان ئین ئارتی بچیتە گوندێ ئێمینکێ.
ئەویەک ژی بەرچاڤ کر، نها تیما ئێن
ئاڕ تی هاتیە ئازادکرن و کەلوپەلێن وان ژی بۆ هاتینە ڤەگەڕاندن.
ئەڤە د دەمەکێ دایە، ل هەرێما
کوردستانێ ب گشتی و ل سنورێ پارێزگەها دهۆکێ ب تایبەتی چەندین جارن ژ ئالیێ
هێزێن ئەولەهیا پارتی ڤە هێرشی سەر تیما ئێن ئاڕ تی دهێتەکرن و زێدەباری دەستەسەرکرنا
کارمەندان، کەلوپەلێن وان یێن رۆژنامەڤانی ژی دهێنە شکاندن و دەستەسەرکرن.
هەڤدەم، ل هەرێما کوردستانێ ئازادیا
رادەربرینێ و کارێ رۆژنامەڤانیێ ژ لایێ دەستهەلادارێن هەرێمێ ڤە هاتیە سنوردارکرن،
چەندین جاران رێکخراوێن نیڤدەولەتی و وەلاتێن دەرڤە لسەر بنپێکرنا مافێ
رۆژنامەڤانان هۆشداری دایە دەستهەلاتدارێن هەرێمێ.
بریار نێروەی - دهۆک