PM:05:30:01/05/2024
76 جار خوێندراوەتەوە
+
-
ل دەمێ داخستنا بازارێن دراڤێن هەرێمێ بهایێ دۆلاری هاتە خار و بهایێ ١٠٠
دۆلاران ب ١٤٥ هزار ٧٠٠ دیناران بازار پێ دهێتە کرن.
ئەڤرۆ چارشەمبیێ، هەڤبەر ب دەمێ ڤەکرنا بازارێن دراڤان، بهایێ دۆلاری
گۆهڕین بسەردا هاتن و نێزیکی ٦٠٠ دیناران ژ بهایێ وی هاتنە خار.
ل دەمێ ڤەکرنا بازارێن دراڤان ل هەرێمێ، بهایێ ١٠٠ دۆلاران ب ١٤٦ هزار و
٣٠٠ دیناران بازار پێ دهاتە کرن، لێ د نها دا بهایێ ١٠٠ دۆلاران ب ١٤٥ هزار ٧٠٠
دیناران بازار پێ دهێتە کرن.
بەریا نها شێوەرمەندەکێ سودانی بۆ ئێن
ئاڕ تی ڕاگەهاندبوو، سەرەدانا سودانی بۆ ئەمریکا سەدەمەکێ سەرەکیێ داکەفتنا بهایێ
دۆلاریە و دهێتە چاڤەرێ کرن ژی بهایێ دۆلاری زێدەتر بهێتە خار.
پشتی رێککەفتنا بەنکا ناڤەندی دگەل
بەنکا جەی پی مۆرگان، بەنکا ناڤەندی د هەیاما پێنج حەفتیێن دەربازبووی دا ب تێکڕا
زێدەتری ئێک ملیار و ٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی،
ئاستێ فرۆتنا زێدەتر نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی،
ئەندامێ شاندێ سەرۆک وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا
سودانی بۆ واشنتۆن دەستەکەفتەکا زۆر بدەستڤەئینایە ب تایبەتی د بیاڤێ دارایی دا و
رێکار بەرەڤ کۆنترۆلکرنا بهایێ دۆلاری ب تەمامی دچن، چێدبیت د چەند رۆژێن بهێت دا
ب ئاوایەکێ بەرچاڤ و بلەز بهایێ دۆلاری دێ هێتە خار.