PM:12:34:01/05/2024
76 جار خوێندراوەتەوە
+
-
سەرۆکێ فراکسیۆنا نەوەی نوێ ل گەڕا پێنجەما پەرلەمانێ کوردستانێ ڕاگەهاند،
د چ مادە و بڕگەیەکا یاسایا سەرۆکاتیا هەرێمێ یان یاسایا هەلبژارتنێ دا دەستهەلات
ب سەرۆکێ هەرێمێ نەهاتیەدان گۆهڕینان د دەمێ دیاریکریێ هەلبژارتنێ دا بکەت یان
هەلبژارتنێ هەلبوەشینیت.
ئەڤرۆ چارشەمبی، کاوە عەبدولقادر سەرۆکێ فراکسیۆنا نەوەی نوێ ل گەڕا پێنجەما
پەرلەمانێ کوردستانێ ڕاگەهاندنەک بەلاڤکر و تێدا هاتیە، لدیف یاسایا سەرۆکاتیا
هەرێمێ و یاسایا هەلبژارتنێ سەرۆکێ هەرێمێ دەستهەلاتا هەلوەشاندنا دەمێ دیاریکریێ
هەلبژارتنێ نینە، بەلکو بتنێ دشێت دەمێ ئەنجامدانا هەلبژارتنێ دیار بکەت ب
مەرسومەکا هەرێمی.
ئەو یەکژی بەرچاڤکر، دەستکاریکرنا دەمێ دیارکری بۆ ئەنجامدانا هەلبژارتنا
پەرلەمانێ کوردستانێ کو 10ـێ حوزەیرانێ یە ژلایێ سەرۆکێ هەرێمێ ڤە بنپێکاریەکا زەقا
یاسایێن کارپێکریە و دەربازکرنا سنورێن دەستهەلاتێن خۆیە.
ڕاگەهاند ژی، هەر
بڕیارەکا سەرۆکێ هەرێمێ بێ پشت گرێدان ب بنەمایێن یاسایی و دەستووری یا بەتالە و چ
بهایەکا یاسایی نابیت، دبێژیت ژی، "ل دەمێ هەر بڕیارەکا نەیاسایی یێن ب ڤی
ئاوایی وان وەک نەوەی نوێ هەلوسیتەکێ توند دبیت و رێکارێن یاسایی دێ گرنەبەر".