ئاماژەی بەوەشداوە، ئامانج لە کۆبوونەوەکە رێگریکردن بووە لە سەرپێچى و زێدەڕۆییەکان لە رێنمایی و یاساکانى هاتوچۆ.

هەر بەگوێرەی رگەیەنراوەکە، لە کۆبوونەوەکەدا باس لە پەرەپێدان و باشترکردنی سیستەمی هاتوچۆی ناو شاری هەولێر بەشێوەیەکی گشتی کرا و تیشک خرایە ئەو سەرپێچى و زێدەڕۆییانەى کە لەلایەن شۆفێرانەوە ئەنجامدەدرێت و دەبنە هۆى رووداوى نەخوازراو کارەساتى لێدەکەوێتەوە.

راگەیەنراوەکە ئەوەشی خستووەتەڕوو، لەوبارەیەشەوە بڕیار لەبارەی دەستپێکردنى هەڵمەتێکى بەردەوام درا لە رێگەى تیمەکانى پۆلیسى هاتوچۆى هەولێر لەسەرجەم شەقام و شوێنەکانى سنورى پارێزگاى هەولێر بۆ گرتنە بەری رێوشووێن لەگەڵ هەموو ئەو کەسانەى لە نێو ئۆتۆمبێل مۆبایل بەکاردەهێنن، یان بەسەرخۆشى و بە ژمارەى ساختە ئۆتۆمبێل لێدەخۆڕن.

ئەوەشی ئاشکرا کردووە، دەست بەسەر هەموو ئەو ئۆتۆمبێلانەشدا بگیرێت کە دەستکارى گزۆزى ئۆتۆمبێلەکانیان یان ماتۆڕسکیلیان کردووە و ئەوانەشى کە دوکەڵى رەش و ژەهراوى دەردەکەن، ئەوە جگە لە گرتنەبەرى رێکارى یاسایی و تۆمارکردنى سکاڵایی یاسایی بەرامبەر ئەوکەسانەى کە گرتەی ڤیدیۆیی خۆیان لەکاتى لێخورین دەگرن و لە تۆڕەکۆمەلایەتیەکان و سۆشیال میدیا بڵاوى دەکەنەوە.

هەر بەگوێرەی راگەیانراوەکە، پارێزگارى هەولێر بڕیاریدا قائیمقامیەت و لیژنەکانیان سەرجەم ئەو شوێنانەى جوانکاری ئۆتۆمبێل کە (نەشرە، ژمارەى ساختە، جام رەش) دەکەن و سەرپێچى لەیاسا و رێنماییەکانى هاتوچۆ ئەنجامدەدەن، توندترین رێکارى یاساییان لەبەرامبەردا بگیرێتەبەر.

هەروەها بڕیاریدا، رێکارى پێویست لەبەرامبەر هەموو ئەو شۆفێرانەش بگیرێتەبەر کە دەبنە هۆى تێکدانى خزمەتگوزارییە گشتییەکان وەک (ترافیک، ستونى کارەبا، گادرێل، سەوزاى و دارى جوانکارى نێو شەقامەکان). سەرجەم ئەو بڕیار و رێوشوێنانە، هەموو ئوتۆمبێلێەکانى حکومى، پێشمەرگە و هێزە ئەمنیەکانیش دەگرێتەوە. بۆئەو مەبەستەش پارێزگارى هەولێر هەموو پاڵپشتیەکى خۆى بۆ بەڕێوەبەرایەتى هاتووچۆى هەولێر نیشاندا لەبەرامبەر جێبەجیکردنى بریارەکان و گرتنەبەرى رێکارەکان.