دەشڵێت، ئەمە هەمان ئەو عەقڵییەتی شۆڤینییەیە کە مافی گەلان رەتدەکاتەوە و رێگەنادات یادە نەتەوەیی و ئاینی و مەزهەبییەکانی بکاتەوە.

ئاماژەی بەوەشداوە، ئەمجۆرە لە عەقڵییەتە هەمان عەقڵییەتی هیتلەر وسەدام حسێنە.

لەدرێژەی راگەیەنراوەکەیدا سەرۆکی فراکسیۆنی نەوەی نوێ لە پەرلەمانی عێراق دەڵێت، ئەمە یاد و بۆنەیەکە بەشێکە لە پێکهاتەی کۆمەڵگەی عێراقی و دەسەڵاتی ناوچەیی هیچ پارێزگایەک ناتوانێت یادکردنەوەی لە هاوڵاتییانی قەدەغەبکات.

ئەوەشی خستووەتەڕوو، ئەو دەسەڵاتەی پەنا بۆ ئەمجۆرە کارانە دەبات، ناکۆکی و دووبەرەکی نەتەوەیی و رەگەزپەرستی کە بنەمای سەرەکی دەسەڵاتی شکستخواردووە وپەنای بۆ دەبات، دەنێتەوە، بەهیچ پێوەرێک شایستەنییە بمێنێتەوە و پێویستە بڕوات.

لەبەشێکی دیکەی راگەیەنراوکەیدا دەڵێت، حکومەتی فیدڕاڵی لەکوێە بەر بەم دەستدرێژییانەی پارێزگاری کەرکوک بگرێت کە نایاسایین؟

دەشڵێت، "پێویستە دەستبەجێ مستەفا کازمی و هێزە نیشتیمانپەروەرەکانی تر بەخێرایی دەستوەردان بکەن و بێنە دەنگ، هەروەک چۆن حکومەت پارێزگاری لە ڕووداو و بۆنە ئایینی و مەزهەبییەکانی تر دەکات لە تەواوی عێراق، ئەوا پێویستە بۆ ئاهەنگگێڕانی نەورۆز پارێزگاری لە هاوڵاتییانی کورد بکات لە کەرکوک و ناوچەکانی دیکە."

دەقی بەیاننامەکە:

ئەمە ئەقڵیتێکی شۆڤێنییە کە پارێزگاری کەرکوک تەنها 3 کاتژمێر بەکورد دەدات بۆ ئەنجامدانی ئاهەنگی نەورۆز لەپارێزگاکە. ئەمە رەتکردنەوەی مافی خەڵکە هاوشیوەی هیتلر و سەدام و مۆسۆلینی. ئەمە هەمان عەقڵیەتی دیکتاتۆرییە کە پێشتریش بۆنە نەتەوەیی و ئایینی و مەزهەبییەکانی رەت دەکردەوە،وە بەشێکە لە قوڵکردنەوەی ناکۆکی نێوان نەتەوەکان لە عێراق. ئاگاداریان دەکەینەوە کە دەسەڵاتدارانی ناوخۆ لە هەر پارێزگایەکدا ناتوانن ڕێگە لە هاوڵاتیان بگرن لە ئاهەنگگێڕانی بۆنەکانیان. وە هەر دەسەڵاتێک پەنا بباتە بەر جیاکاری و چاندنی رقی نەتەوەیی یان نەژادی، ئەوا دەسەڵاتێکی شکستخواردووە بە هەموو پێوەرەکان. وە دەبێت حکومەتی فیدراڵی پێمان بڵێت لە کوێیە؟ چی دەکات لەم زیادەڕۆییە نایاساییانەی پارێزگاری کەرکوک؟ پێویستە دەوتبەجێ مستەفا کازمی و هێزە نیشتیمانپەروەرەکانی تر بەخێرایی دەستوەردان بکەن و بێنە دەنگ، هەروەک چۆن حکومەت پارێزگاری لە ڕووداو و بۆنە ئاینی و مەزهەبییەکانی تر دەکات لە تەواوی عێراق، ئەوا پێویستە بۆ ئاهەنگگێڕانی نەورۆز پارێزگاری لە هاوڵاتییانی کورد بکات لە کەرکوک و ناوچەکانی دیکە.