وەزیری دارای عێراق رایگەیاند ، پڕۆژە یاسای پشتیوانیی کەمدەرامەت لەرۆژانی داهاتوودا پێشکەشی ئەنجومەنی وەزیرانی عێراق دەکرێت. دەشڵێت، "پرۆژەکە پشتگیری پڕۆژەی گەنجان دەکات".
ئەمڕۆ شەممە، عەلی عەبدولئەمیر عەللاوی وەزیری دارایی عێراق راگەیەندراوێکی بڵاوکردەوە و تیایدا هاتووە، دوای کۆبوونەوەی رۆژی دووشەممەی ئەنجومەنی نوێنەران، وەزیری دارایی پێشنیازێکی فەرمی پێشکەش بەئەندامانی ئەو ئەنجومەنە کرد.
ئاماژەی بەوەشداوە، پرۆژەکە بریتیبووە لەپڕۆژەیاسای حکومەت بۆ پشتگیری کردنی هەژاران و
کەمدەرامەتەکان لەو قەیرانە داراییەی ئێستا تیایدا دەژین.
راگەیەنراوەکە ئەوەشی خستووەتەڕوو، پێشنیارەکە دەرماڵە بۆ پشتگیریکردنی
پرۆژەی گەنجان و دەرماڵە بۆ باشترکردنی موچەی خانەنشینان و کەسوکاری شەهیدانیشی لە خۆگرتووە.
باسی لەوەشکردووە، هیواخوازن پرۆژە یاسایەکە لە ئەنجومەنی نوێنەراندا تێپەڕێنرێت
بۆ گەیشتن بەئامانجەکانی پشتیوانیکردن لە هەژارترین توێژەکانی کۆمەڵگە و بوژاندنەوەی دۆخی ئابوری.