سەرۆکی شارەوانی سلێمانی لە راگەیاندراوێکدا لەبارەی گرفتی کۆنەکردنەوەی خۆڵ و خاشاکی گەڕەک و شەقام و بازاڕەکانی سلێمانی دەڵێت، "کەمتەرخەمی کارمەندانی شارەوانی سلێمانی تێدا نییە"، دەشڵێت، سەرەڕای ئەوەش بە هاوکاری کارمەندانی فەرمانگەکانی دیکە بەشێکی شەقامەکان خاوێن کراوەتەوە.
لەیلا عومەر سەرۆکی شارەوانی سلێمانی لە راگەیاندراوێکدا لەبارەی گرفتی کۆنەکردنەوەی خۆڵ و خاشاکی گەڕەک و شەقام و بازاڕەکانی سلێمانی بڵاویکردووەتەوە هاتووە، "بارێک ھاتووەتە کایەوە کە بە راشکاوی ھیچ کەمتەرخەمییەکی کارمەندانی شارەوانی سلێمانی تێدا نییە."
ئەوەش هاتووە، "دوای وەستاندنی کاری کۆمپانیاکانی
پاککردنەوە ئێمە وەک ئەرکی سەرشانی خۆمان و تا تێپەڕبوونی ئەم بارەی بەسەر شارماندا
ھاتووە، ھاوشان بە کارمەندە ماندوونەناسەکانمان لە بەشەکانی خزمەتگوزاری و ئامێرەکان
و بەشی ئامێرەکانی بەڕێوەبەرایەتی باخچەکان، بەشداربووین لە پاککردنەوەی ناوبازاڕ
و شەقامە سەرەکییەکان."
ئاماژە
بەوەشکراوە، "کارمەندەکان چەند ناوچەیەکیان بۆ کۆکردنەوەی خاشاک دانابوو کە دواتر
لەڕێگەی شۆفڵ و ئامێرە گەورەکان گواسترایەوە بۆ دەرەوەی شەقام و گەڕەکەکانی شار."
سەرۆکی شارەوانی سلێمانی داواش لە
هاوڵاتیان دەکات، "ھاوکاری تیمەکان بن" و نووسیویشییەتی، "لە ھەوڵی جددیداین بگەینە
سەرجەم کوچە و کۆڵانەکان تا چارەسەرکردنی ئەم کێشەیە یان دۆزینەوەی پلانی جێگرەوە."
زیاتر لە هەفتەیەکە
بەهۆی مانگرتنی ژینگە پارێزانەوە خاشاکێکی زۆر لە شاری سلێمانی کۆبووەتەوە و دیمەنی
شارەکەی بە تەواوی گۆڕیوە.
لە هەفتەی
رابردووشدا تەندروستی سلێمانی هۆشداری دابوو زیاتر مانەوەی خۆڵ و خاشاک لەسەر
شەقام و ناو گەڕەکەکان؛ ئەگەری بڵاوبوونەوەی نەخۆشی مەترسیدار و کوشندەی لێدەکرێت.
هـ.ئـ