PM:01:01:23/08/2025
1652 جار خوێندراوەتەوە
ئەندام پەرلەمانێکی نەوەی نوێ لەبارەی دەستگیرکردنی سەرۆکی جوڵانەوەی نەوەی نوێ لەلایەن هێزێکی یەکێتییەوە دەڵێت، پارتی و یەکێتی پێیان وایە کە بە دەستگیرکردنی سەرۆکی گەورەترین هێزی ئۆپۆزسیۆن، خەڵک دەترسێنن و درێژە بە حکومڕانی خۆیان دەدەن، بەڵام ئەوەی کە دەبێت ترسی هەبێت خودی دەسەڵاتدارەکانن.
ئەمڕۆ ٢٣ـی ئابی ٢٠٢٥، محمد ئیسماعیل، ئەندام پەرلەمانی نەوەی نوێ لە پەرلەمانی عێراق بڵاویکردەوە، هەموو ئەوەی روودەدات لە دەستگیر کردنی شاسوار عبدولواحید و بەرامبەر ئۆپۆزسیۆن، یەک راستی دەردەخات کە پارتی و یەکێتی لەو بڕوایەدان لە خراپترین حکومڕانی خۆیاندان بەرامبەر هاوڵاتیان و لە لوتکەی ستەمکارین بەرامبەر خەڵک، بۆیە پێیان وایە کە سەرۆکی گەورەترین هێزی ئۆپۆزسیۆن دەستگیر بکەن و بارودۆخێکی ئاوا بهێننە ئاراوە، خەڵک دەترسێت و بەوشێوەیە درێژە بە حکومڕانی خۆیان بدەن.
دەشڵێت،" ئەوەی
دەبێت ترسی هەبێت لە دەستگیرکردنی سەرۆکی گەورەترین هێزی ئۆپۆزسیۆن و ئەو
دیمەنانەی دوێنێی سليمانی، خەڵک نییە بەڵکو خودی ئەو کەسانەیە کە ئێستا کامل
دەسەڵاتیان لەدەستە، چونکە هەمان ئەو شتەی ئێستا بۆ تۆی دەکەن پێشتر بەزیادەوە بۆ
ئەویان دەکرد، بۆیە سبەی بەرژەوەندی باشتر یان بارودۆخ بە بارێکی تردا بگۆڕێت دژی
تۆش ئەمە دەکەن! "
جەختیشیکردەوە،
باشترین شت بۆ ئێوە ئەوەیە رێزی خەڵک و دامودەزگاکان بگرن، ئەوە تاکە رێگای
بەردەمتانە.
