PM:10:29:14/08/2025
2164 جار خوێندراوەتەوە
راوێژکارێکی پەیوەندیە نێودەوڵەتیەکان داوا لە هەموو هێز و لایەنە سیاسییەکان و نەتەوە یەکگرتووەکان و بەریتانیا و ئەمریکا دەکات کار بکەن بۆ ئازادکردنی دەستبەجێی شاسوار عەبدولواحید کە نوێنەرایەتی دەنگ و خواستەکانی گەل دەکات.
ئەمڕۆ پێنجشەممە ١٤ـی ئابی ٢٠٢٥، دلێر دەروێش، راوێژکاری راگەیاندن و ئەکادیمی لە پەیوەندییە نێودەوڵەتییەکان دەڵێت، شاسوار عەبدولواحید، سەرۆکی جوڵانەوەی نەوەی نوێ تەواوی نەوەیەکی بەئاگا هێنایەوە، پێیوابوو چاکسازی تەنیا دروشم نییە، بەڵکو کارێکە کە پێویستی بە رووبەڕووبوونەوەی ئاڵەنگارییەکان و دەرخستنی راستییەکان و وەستانەوە لەگەڵ خەڵک هەیە، بەبێ گوێدانە قوربانیدانەکان.
ئاماژەی بەوەشکردووە، ئەوەى سەیرە ئەوەیە، سیاسەت لەبری ئەوەی
میهرەبانی لەبەرامبەر میهرەبانیدا بکاتەوە، بە توندی وەڵامی ئەم جوڵانەوە
نەتەوەییەی دایەوە بە دەستگیرکردنی، لە هەوڵێکدا بۆ بێدەنگکردنی دەنگی و وەستاندنی
پڕۆژەی چاکسازییەکەی.
دەشڵێت، ئازادی بۆ شاسوار عەبدولواحید هەنگاوێکە بەرەو ئازادی قسەکردن
و کەرامەتی هاوڵاتی و بەرپرسیارێتییەکە دەکەوێتە ئەستۆی هەموو کەسێک کە باوەڕی بە
دیموکراسی و دادپەروەری هەیە.
