PM:12:04:13/08/2025
1224 جار خوێندراوەتەوە
بزووتنەوەی دیموکراتی ئاشووری دەڵێت،"بە توندی ئیدانەی دەستگیرکردنی سەرۆکی جوڵانەوەی نەوەی نوێ دەکەین و داوای ئازادکردنی دەکەین"، دەشڵێت،"هیچ پرۆسەیەکی سیاسی بەبێ ئۆپۆزسیۆنێکی راستەقینە و باوەڕپێکراو نابێت".
ئەمڕۆ چوارشەممە ١٣ـی ئابی ٢٠٢٥، بزووتنەوەی دیموکراتی ئاشووری بڵاویکردەوە،" ئێمە پشتگیری لە دەسەڵاتێکی دادوەری دادپەروەرانە و شەفاف دەکەین، بەڵام بە ئامانج کردنی سەرکردە سیاسییەکان بەم شێوازە، بە مانای بێدەنگکردنی دەنگە ناڕازییەکان دێت و ئێمە بە توندی ئیدانەی دەستگیرکردنی سەرۆکی جوڵانەوەی نەوەی نوێ دەکەین.
وتیشی، "ئێمە داوای ئازادکردنی بەڕێز
شاسوار عەبدولواحید، سەرۆکی جوڵانەوەی نەوەی نوێ دەکەین، چونکە هیچ پرۆسەیەکی سیاسی
بەبێ ئۆپۆزسیۆنێکی راستەقینە و باوەڕپێکراو نابێت".
باسی لەوەشکرد،
دەستگیرکردنی شاسوار عەبدولواحید پرۆسەی دیموکراسی و ئازادی چالاکیی سیاسی لە
هەرێمی کوردستانی عێراق دەکاتە ئامانج.
