AM:11:07:13/08/2025
1556 جار خوێندراوەتەوە
دەیان پارێزەر لە شارە جیاوازەکانی هەرێمی کوردستانەوە ئامادەن خۆبەخشانە بەرگری لە سەرۆکی جوڵانەوەی نەوەی نوێ بکەن و ژمارەیەکیشیان چوونەتە دادگای سلێمانی.
ئەمڕۆ چوارشەممە ١٣ـی ئابی ٢٠٢٥، دەستگیرکردنی شاسوار عەبدولواحید، سەرۆکی جوڵانەوەی نەوەی نوێ لە لایەن هێزێکی یەکێتییەوە، کاردانەوەی زۆری بەدوای خۆیدا هێنا و دەیان پارێزەر لە شارە جیاوازەکانی هەرێمی کوردستانەوە ئامادەن خۆبەخشانە بەرگری لە شاسوار عەبدولواحید بکەن و ژمارەیەکیان گەیشتونەتە ناو دادگای سلێمانی.
ئەوەش
لەکاتێکدایە، شەوی رابردوو هێزێکی ئەمنیی یەکێتی هەڵیانکوتایە سەر ماڵەکەی شاسوار
عەبدولواحید سەرۆکی جوڵانەوەی نەوەی نوێ و دەستگیریان کرد، ئەمەش کاردانەوەی ناوخۆیی و دەرەکی لێکەوتەوە و بە پێشێلکارییەکی نا یاسایی وەسف کرا.
