PM:01:04:09/08/2025
1420 جار خوێندراوەتەوە
روانگەی ئێکۆ عێراق دەڵێت، هەرێم کاریگەریی هێرشە درۆنییەکانى تێپەڕاندووە و بەرهەمهێنانى نەوتی گەیاندووەتە زیاتر لە ٢٠٠ هەزار بەرمیل لە رۆژێکدا، وتیشی، تا هەناردەی نەوت دوابکەوێت گرفتی زیاتر بۆ مووچەی هەرێم درووستدەبێت.
ئەمڕۆ شەممە ٩ـی ئابی ٢٠٢٥، روانگەی “ئیکۆ عێراق” کە تایبەتە بە کاروباری ئابووری، لە راگەیەندراوێکدا بڵاویکردەوە، ئەو کێڵگە نەوتییانەی هەرێم کە هێرشە درۆنییەکانیان کرایە سەر و بەرهەمهێنانی نەوتیان تیادا راگیرابوو، گەڕاونەتەوە سەر کارەکانیان و بەرهەمهێنانی رۆژانەشیان بۆ زیاتر لە ٢٠٠ هەزار بەرمیل زیادیکردووە.
لە راگەیەندراوەکەدا
هاتووە، کە هەرێم و بەغدا تا ئێستا نەگەیشتوونەتە رێککەوتن سەبارەت بە
دەستپێکردنەوەی هەناردەکردنی نەوت، ئەوەش بەهۆی ناکۆکی لەسەر کرێی ئەو
کۆمپانیایانە کە لە هەرێمدا کاردەکەن و چارەسەرکردنی قەیرانەکە پێویستی بە
کۆبوونەوەی نێوان سێ لایەنی پەیوەندیدار هەیە.
ئاماژەی
بەوەشکردووە، دیارترین لەو كێڵگە نەوتییانەی هەرێم کە دەستیان بە کار کردووەتەوە بریتین
لە شێخان، تاوکێ، بشکابیر، خورمەڵە و سەرسه‌نگ.
جەختیشیکردەوە، تاوەکو نەوتی هەرێم رادەست نەکرێت و هەناردە نەکرێت مووچەی مووچەخۆرانی
هەرێم نانێردرێت و گرفتی زیاتری بۆ دروست دەبێت.
