PM:07:53:06/08/2025
2432 جار خوێندراوەتەوە
بانکی ناوەندی عێراق دەڵێت، تەواوی ئەو دەنگۆیانە رەتدەکەنەوە کە باس لە راگرتنی مامەڵەکردن بە دۆلار و دراوە بیانییەکانی دیکە دەکەن لە بانکەکەدا.
ئەمڕۆ چوارشەممە ٦ـی ئابی ٢٠٢٥، دوای دەنگۆی راگرتنی مامەڵەکردن بە دۆلار و دراو بیانییەکان لە بانکی ناوەندی عێراق، بانکەکە راگەیەندراویکی بڵاوکردەوە.
نووسینگەی راگەیاندنی بانکی
ناوەندی عێراق لە بەیاننامەیەکدا دەڵێت، ئەو هەواڵانەی بڵاوبوونەتەوە
سەبارەت بە راگرتنی مامەڵەی دۆلار لە بانکی بەغدا یان راگرتنی یەدەگی ئاڵوگۆڕی
دراوی بیانی بۆ حەواڵەی دەرەکی، دوورن لە راستییەوە.
ئاماژە بەوەشکراوە،
بانکەکە بەشێوەیەکی ئاسایی و بێ کێشە کاردەکات، بەپێی ئەو رێنمای و رێسایانەی کە بانکی
ناوەندی عێراق پەیڕەوی لێدەکەن.
