PM:06:36:03/08/2025
2032 جار خوێندراوەتەوە
وتەبێژی دەزگای ئاسایشی نیشتمانیی عێراق دەڵێت، لێکۆڵینەوە لەگەڵ عەجاج حەردان تکریتی، تۆمەتباری دۆسیەی ئەنفال بەردەوامە و دانی بەو تاوانانەدا ناوە، کە بەرامبەر زیندانیانی نوگرە سەلمان کردوویەتی.
ئەمڕۆ یەکشەممە ٣ـی ئابی ٢٠٢٥، ئەرشەد حاکم، وتەبێژی دەزگای ئاسایشی نیشتمانیی عێراق بە میدیای عێراقیی وتووە، ئەو کەسەی دەستگیرکراوە، ناوی عەجاج ئەحمەد حەردانە و بە حەجاجی نوگرە سەلمان ناسراوە، ئێستا لەلایەن دەزگاکەیان لێکۆڵینەوەی لەگەڵ دەکرێت.
ئاماژەی
بەوەشکردووە، ئەو کەسە لە لێکۆڵینەوەکاندا زۆر بەخێرایی دانی بە تاوانەکانیدا
ناوە، بەتایبەت ئەو تاوانانەی دژی کورد کردوونی و ئێستا پڕۆسەی لێکۆڵینەوە
لەگەڵیدا لە قۆناغی کۆتاییدایە.
ئەوەش لە
کاتێکدایە، رۆژی هەینی ١ـی ئاب، دەزگای ئاسایشی نیشتمانیی عێراق لە راگەیەندراوێكدا
بڵاویكردەوە، هێزەكانیان دوای زیاتر لە شەش مانگ لە بەدواداچوون، توانییان یەكێك لە
تاوانبارانی سەردەمی رژێمی بەعس بەناوی عەجاج حەردان تكریتی، ناسراو بە (حەجاجی
نوگرەسەلمان) دەستگیر بكەن.
