PM:08:43:02/08/2025
2048 جار خوێندراوەتەوە
پەرلەمانتارێکی نەوەی نوێ دەڵێت، حکوومەتی ماوەبەسەرچوو چەوساندنەوەیەکی تری بەرامبەر هاوڵاتیان کردووە و بڕیاریداوە نەخۆشخانەی شەهید رەئوف بەگ لە سنووری شارەزوور بکاتە بە نەخۆشخانەیەکی نیمچە تایبەت.
ئەمڕۆ شەممە ٢ـی ئابی ٢٠٢٥، ئەکبەر غەریب، پەرلەمانتاری نەوەی نوێ لە پەرلەمانی عێراق بڵاویکردەوە،" دووبارە چەوسانەوەیەکی تر لە هاوڵاتییانی شارەزوور و ناوچەکانی تری کورستان لەلایەن حکومەتی ماوەبەسەرچووەوە کرا و وا بڕیارە لە هەفتەی داهاتووەوە نەخۆشخانەی شەهید رەئوف بەگی حکومی لە شارەزوور بکرێت بە نیمچە تایبەت.
روونیشیکردەوە، "نیمچە تایبەت واتە ئەو نەشتەرگەرییە سەرەتاییانەی وەکوو منداڵبوونی
ئاسایی و فتق و دەرهێنانی چەوری، کە پێشووتر بەخۆڕای ئەنجامدراوە، بکرێت
بە پارە، هەروەها پسوڵە بکرێت بە سێ هەزار
دینار لەکاتێکدا پێشوتر بە پێنج سەد دینار
بووە".
باسی لەوەشکرد،
لایەنی پەیوەندیداری لەم بارەیەوە ئاگادارکردووەتەوە و دەڵێن" ئێمە بۆ پێداویستی ناو نەخۆشخانە، حکومەت ئاوڕمان
لێناداتەوە بۆیە ناچارین بەوشێوەیەی لێبکەین"، ئەمە جۆرێکی تری فشارە لەسەر
هاوڵاتیان و جۆرێکی ترە لە چەوساندنەوەی خەڵکی فەقیر و هەژار.
جەختیشیکردەوە،
هەموو رێکارێکی یاسیایی و مەدەنی دەگرنە بەر بۆ رێگریکردن لە جێبەجێکردنی ئەو بڕیارە و
بە هیچ شێوەیەک جێی قبوڵکردن نییە.
