پۆلیسی دارستانی سلێمانی دەڵێت، لە چیای بەرانان سەر بە سنووری دەربەندیخان، کەڵەکێوییەکی مردارەوبوو دۆزرایەوە کە بە فیشەک کوژراوە و تەمەنی ٧ ساڵە.
ئەمڕۆ پێنجشەممە ١٧ی تەمموزی ٢٠٢٥، پۆلیسی دارستان و ژینگەی سلێمانی لە راگەیەندراویکدا بڵاویکردەوە، شەوی رابردوو هاوڵاتییان دەنگی تەقەیان لە چیای بەرانان بیستووە و هێزەکانیان ئاگادارکردووەتەوە و دەستبەجێ، تیمێکی هاوبەش لە پۆلیسی دارستانی دەربەندیخان، بنکەی باوەخۆشێن و ئاسایشی دەربەندیخان دەستیان بە لێکۆڵینەوە لە ناوچەکە کردووە، بەڵام لە شەودا هیچ شتێک نەدۆزراوەتەوە.
وتیشی، بەرەبەیانی ئەمڕۆ، مەفرەزەیەکی پۆلیسی دارستان جارێکی دیکە گەڕاونەتەوە بۆ هەمان شوێن و دوای
پشکنینێکی ورد، کەڵەکێوییەکیان بە مرداربوویى دۆزیوەتەوە کە تەمەنی حەوت ساڵە و بە
فیشەک کوژراوە.
دەشڵێت، بە مەبەستی وەرگرتنی بڕیاری دادوەر، ئاژەڵە کوژراوەکە گواستراوەتەوە و پەڕاوی لێکۆڵینەوەش
بۆ رووداوەکە رێکخراوە.
ئاماژەی بەوەشکرد،
لێکۆڵینەوە و بەدواداچوونەکان بۆ دۆزینەوەی ئەو کەسانەی کە تاوانەکەیان ئەنجامداوە
بەردەوامە.
چیای بەرانان
یەکێکە لەو ناوچە شاخاویانەی کە گرنگیی تایبەتی هەیە بۆ ژیانی ئاژەڵ و باڵندە
کێوییەکان و دەکەوێتە سنوورى دەربەندیخان.