چاوگێک بە ئێن ئاڕ تی راگەیاند، هەرکییەکان دژی پارتی وەستاونەتەوە و کۆمەڵێک ئۆتۆمبێلی پارتیان تێکشکاندووە.
ئەمرۆ سیشەممە ٨ی تەمووزی ٢٠٢٥، چاوگێک بە ئین ئاڕ تی وت، ئێوارەی ئەمڕۆ لە سنووری خەبات، بەشێک لە عەشیرەتی هەرکی دژی پارتی وەستانەوە و بەهۆیەوە شەڕ لە نێوانیاندا دروستبووە.
چاوگەکە باسی لەوەشکرد، هەرکییەکان
دژی پارتی وەستاونەتەوە و کۆمەڵێک ئۆتۆمبێلی پارتیان تێک شکاندووە.
پەیامنێری ئێن ئاڕ تی ئاماژەی بەوەکرد، بەهۆی شەڕی نێوان هەرکییەکان و پارتی، باس
لەوە دەکرێت کەسێک گیانی لەدەستدابێت و
کەسێکی دیکەش بریندار بووبێت.
وتیشی، تاکو
ئێستا ناوبەناو شەڕ و رووبەرووبوونەوە لە نێوان هەرکییەکان و پارتی دروست دەبێت و
بەو هۆیەشەوە رێگای سەرەکی گوندەکە بە تەواوەتی داخراوە و هاتوچۆ تێیدا پەکی
کەوتووە.
هەر
بە پێی زانیارییەکان، پارتی هۆشداری داوە بە سەرجەم میدیاکانی خۆی کە بە هیچ شێوەیەک رووماڵی شەڕەکەیان لەگەڵ
هەرکییەکان نەکەن و هەر ڤیدیۆ و وێنەیەکیش کە بڵاویان کردووەتەوە بە زووترین کات
بیسڕنەوە.