PM:02:42:28/06/2025
1440 جار خوێندراوەتەوە
وەزیری کارەبای عێراق وتی، دەستیان کردووە بە جێبەجێکردنی پڕۆژەی خۆری بەسڕە کە لەگەڵ تەواوبوونیدا هەزار مێگاوات کارەبا لە تیشکی خۆرەوە دابیندەکات و بە یەکێک لە گەورەترین پڕۆژەکانی بەرهەمهێنانی کارەبا لە وزەی خۆرەوە دادەندرێت.
ئەمڕۆ شەممە ٢٨ـی حوزەیرانی ٢٠٢٥، زیاد عەلی، وەزیری کارەبای عێراق دەڵێت، پڕۆژەی خۆری بەسڕە لەسەر رووبەری نۆ هەزار دۆنم دادەمەزرێندرێت و نزیکەی دوو ملیۆن تەختەی وزەی خۆر لەخۆدەگرێت.
دەشڵێت، پڕۆژەکە بەسەر چوار یەکەی بەرهەمهێناندا دابەش کراوە و توانای
بەرهەمهێنانی گشتی دەگاتە هەزار مێگاوات کارەبا.
باسی لەوەشکرد، پرۆژەکە یەکێکە لە گرنگترین پرۆژەکانی وزەی نوێبوونەوە
لە عێراق و یارمەتیدەر دەبێت بۆ کەمکردنەوەی گازەکان و باشترکردنی ژینگە، هاوکات
یارمەتیدەر دەبێت لە چارەسەرکردنی قەیرانی کارەبا.
